منتديات سكون القمر - عرض مشاركة واحدة

06-15-2020, 02:11 AM

سالتني الجارة الختيارة
انت من وين..
قلتلا..بتسمعي عن بلد الأنبياء
وارض المحشر والنشر..
والاقصى..والقدس..والخليل
وحيفا..ويافا وصفد
والبحر والسماء الزرقا
والناس الطيبين...؟

انا من هناك مطرح مالغيمات بتشتي.
دفا و وفا
وزيتون وقمح وحنون..
وبيارات عشق وليمون

انا من لون الشمس
والطين..والعكوب
وكروم العنب والتين
من ارض جدي..وحكايات ستي
والبواب المعطرة
بريحة الهندبة
وفطاير الكشك
وزيت الزيتون

ضحكت وقالتلي ..
يسلمولي أهل فلسطين.........