معشوقتي من لّها غيري وأنا من لّـي
ما تعشق إسواي وأنا ما اعشق اسواها

ان كان جاني بعَضهـا جيتهـا كلّـي
وان كان راحت , عيوني نثّرت ماهـا

عشقتها , سالفة مجنون ليلـى اللـي
ما ضيّعه مـن حياتـه غيـر فرقاهـا

ياناس والله لراحت لـي كمـا ظلّـي
ما فيه لحظـة تمـرّ بـدون طرياهـا

يمرّنـي طيفهـا يـوم إنّـي أصلّـي
واحاول أحسب كم الركعات ؟ وأنساها

حلاوةٍ قلـت حلّـي يـا حـلا حِلّـي
ملكك عروقي من أدناها إلـى أقصاهـا

في داخل القلب مالي غيـرك مسلّـي
بـسّ أتغـدى طيوفـك وأتعشـاهـا

يا بري حالي , ويا ويلي , ويا غلّـي
الله يعـجّـل بلامـايـه ولامـاهــا

يلومنـي واحـدٍ ماهـو صديـقٍ لّـي
يموت ما شاف ميـزة مـن مزاياهـا

ماشاف ريـم الفـلا مزيونـة الدّلّـي
اللـي ينقّـط عسلهـا مـن شفاياهـا

ربّي كساهـا لبـاس الزّيـن بالملّـي
في صـورة البـدر عدّلهـا وسوّاهـا

أخذت من الزيـن حتّـى فلّلَـت فلّـي
ويوم إكتفت , شاتت الباقي برجلاهـا

والباقي الفائض اللـي شاتتـه خلّـي
تقاسمنّه " عبيـر أحمـد " وشرواهـا