ياحلو ضحكاتها على فكة الريق
ياجعلني طول الدهر ما أعدمها
باريس تنتج عطرها والمساحيق
وكوكو شانيل يسير داخل نسمها
مخلوقةٍ ماهيب مثل المخاليق
من راسها فتنه إلي أسفل قدمها
منها البنات تغار وتجن وتضيق
بالزين هاذي ما ينكس علمها
بعيونها سحرٍ يتل المعاليق
وشفايفٍ كن العسل في طعمها
وخدودها وردٍ حمر فيه تبريق
سبحان منهو بالترف ما حرمها
وفيها غنج مع ملعنه جد ماسيق
وفيها ثقافه قل منهو فهمها
إليا حكت تفتح صدورٍ مغاليق
وإليا بكت تنهار الارض وهرمها
هذيك لاغنت ياليل العشاشيق
تموت الامه كان ما الله رحمها