ياهلا بالغلا منك وفيك الحلا لا ولا يالغلا شفت مثلك مثيل
مثل بدر(ن) ظهر ليله اربع عشر لاكتمل بالبها يشبهك في بهاك
قلت ياود ما مثل ودك وديد قال ببعد ترا قلت لامستحيل
انت بعدك ألم لم لم الهم لم وانت لم لا ولم ترحم اللي هواك
كيف راع الهوا لاسرا مادرا قام يمشي ورا مثل عابر سبيل
والسبب في ذهب مايذوب ابلهب والعجب لاجذب جاذبيه هلاك
انت عينك مثل در فاخر ندر في بحر ماذكر في بحور الخليل
هدة الحيل هد ياشهد وش بعد وانت ياود مافيه ود ابغلاك
فيك تاه الفكر وان غدا ما هدا وابتدا يالغلا صيد شعر(ن) جزيل
جبتلك بالغزل مايزلزل جبل مامل يا أمل دام قلبي معاك
ياهلا بالغلا منك وفيك الحلا لا ولا يالغلا شفت مثلك مثيل
مثل بدر(ن) ظهر ليله اربع عشر لاكتمل بالبها يشبهك في بهاك