منتديات سكون القمر - عرض مشاركة واحدة

01-20-2021, 04:01 AM

قام رجل بدعوة الناس في عزومة كبيرة
والناس جت من شرق وغرب والديوان عامر
وكان المعزب يهلي ويرحب بالوافدين وما قصر معهم
وكان في شايب مركي على المخدة و يتلفت
قام قال لولده اللي قاعد جنبه : تشوف معزبنا
ما يسوى في سوق الرجال حاجه
استغرب الولد من كلام ابوه وقال: هي بيته مليان وما شفنا منه قصور
قال الشايب :صحيح بيته مليان لكن فاضي
اندهش الولد وقال : كيييف
فاستند الشايب وقال لولده : قرب اذنك جاي
البيت مليان ضيوف واغراب لكن ما فيه من قرايبه وجيرانه احد هذا الرجل لو فيه خير كان لقيت ربعه سند وواقفين جنبه لكن عزومته هذي عزومة فشخره وصيت لا اكثر
واللي ما فيه خير لاهله مافي خير للناس