منتديات سكون القمر - عرض مشاركة واحدة

12-24-2012, 10:13 PM

الشاعرالكبير السيد/ حسين ابوبكر المحضار رحمة الله عليه

سر حبي

سر حبي فيك غامض سر حبي منكشف
ايش لي خلاني اعشق فيك والعشق تلف
ايش اوقعني في الشبكة ونا عيني تشوف
لا تعذبني وإلا سرت واتركت المكلا لك إذا ما فيك معروف

فوق شاطئ البحر حيث اللول يوجد و الصدف
اللقاء بك كان صدفة لا جز أ الله الصدف
عندما سمحت ظروفك وسمحت لي ظروفي
لا تعذبني وإلا سرت وتركت المكلا لك إذا ما فيك معروف

واجهتنا خلق بعد العصر والحاسد خلف
والهوى يجري حوالينا يلف الموج لف
والجبل من فوقنا يشهد ويشهدن الكهوف
لا تعذبني وإلا سرت وتركت المكلا لك إذا ما فيك معروف

كل واحد فينا ماسك في السكة طرف
لا هدف لي فيك يظهر لي ولا لك شي هدف
وانتهى المشوار كله ما تلامسنا الكتوف
لا تعذبني وإلا سرت وتركت المكلا لك إذا ما فيك معروف

بعد ذاك اليوم زاد الحب لي لك والشغف
عنك أسال كل شي حتى شبابيك الصيوف
لا تعذبني وإلا سرت وتركت المكلا لك إذا ما فيك معروف

انت تحفة صاغها الرحمن من أحلى التحف
انت في الدنيا فضية ما تحملها ملف
انت احلى اسم في قلبي رباعي الحروف
لا تعذبني وإلا سرت وتركت المكلا لك إذا ما فيك معروف

حبك استولى على قلبي وحملني كلف
حبك احرمني رفادي ما طبع ع العين دف
حب مهما لك وصفته عنه يقصرن الوصوف
لا تعذبني وإلا سرت وتركت المكلا لك إذا ما فيك معروف