أنا عيوني حرمــت غيـرك تشـوف
والقلـب حرم غيرك يحــب ثانــي

كف الدموع وأبعد الشك والخــوف
القلب لك يا بعد عمـري موانــي

دخيل قلبك سو بي عـاد معـروف
لا تـذرف دموعـك تبعثـر كياني

إضحك أنا لضحكتك مشتاق ملهوف
يا من غرامـك عن زمانـي خذاني

ويا من بحبه صرت مغرم ومشغوف
للـه درك ويـن حــبك رماني

ماقول لك بالـروف ماقول بالروف
أقول زدنـي من الهـوى ماكفاني

أنت الوحيد اللي على القلب مألوف
وانت الذي أسقيـه صافي حنانـي

وسلامتكم
ـــــ