جا يشوف الحال كيفه بعد ماهزه حنينه
قبل يسألني سألته كيف حالك يالحبيب ....
قال انا كني غريب مظيع دروب المدينه
قلت انا كني مدينه تنتظر رجعة غريب ....
قال اجل وش فيك تكره سيرة الحب وسنينه
قلت اجل وشلون مكره سيرته دامك تغيب ....
انت لا من غبت حتى مرايتك صارت حزينه
كيف ما تبغاني احزن وانت لي حظ ونصيب ....
الهدايا والرسايل والمكاتيب الثمينه

والليالي والقمر والريح والكون الرحيب .....
يابعد كل القصيد ونزوة حداه وأنينه
لاذكرتك لاح بيت وطاح ورد وفاح طيب ....
وان نسيتك مانساني صوتك المبحوح لينه
ياخذ لجرحي بثاره من خطاياك ويطيب ....
وبعد هذا جاي ترمي ذنبك بوجه المدينه
مادريت ان المدينه كلها شمعة غريب