أعقل الناس أعذرهم للناس.


الناس أسيرة للكلمة الحلوة والمقابلة الحلوة واللطف في المعاملة !!!
جميل إن يكون عتابنا ليّن لما نحس بحاجة زعلتنا من الحبايب.. كلمتين والدنيا تروق وتهدى !!!
ما تشيّلش الناس همّ مقابلتك من كتر لومك إن الكوكب كله اتفق على إهمالك والتقصير في حقوقك !!!
وقتها الطرف التاني هيعمل حاجة من الاتنين
يا إما هيكذب علشان يخلص من الركن اللي انت قفلته عليه، يا إما هيبعد أكتر هروبا منك..
والجفا يجر جفا لحد ما العلاقة تتقطع!
لا مانع من عتاب الأحبة الجميل ومش كل مرة كمان، الناس فيها اللي مكفيها !!!
اعذر وسامح وافهم الإشارة من بعيد !!!
ولو مصمم يعني، يبقى خلاص خلي معاملتك على قدر المساحة اللي هو عملها لك،
وما تديش لنفسك حجم أكبر من اللي هو عايزه..
وتقبل العلاقة زي ما هي !!!
بس المهم !!!
خليك سهل ليّن حنون حتى وقت زعلك.
دمتم آمنين.

ناطق العبيدي ,نهيان ,سراج النور معجبون بهذا