لي صاحبٍ فارق عن الكل يا سعود
فريدٍ ... وراعي مزايا ......فريده
ابوه عودٍ يعشق البر والذود
وهو عصاه اللي وسط راحة ايده
يطري فبالي كل ماهبّت النود
واعشقه جدا جعل ينعاد عيده
اليا دعا اسمي ما لقى مني ردود
ما اجاوبه لان ودي انه يعيده
ولا اقبل تقول اني مبشر بمولود
وليدةٍ ... ماهو بايَة .... وليده
ولا أقفى تقول اني معّنى بمفقود
فقيدةٍ .... يا كبرها من فقيده
ابو العيون الخدّر النعس السود
وعنق كما عنق الغزال الشريده
وابو الجبين اللي تغطيه بالكود
غرته وابو الجمرتين الوقيده
ونعومته وانوثته دايم تزود
من البياض تشوف مجرى وريده
يميل بالوقفه مثل ميل الورود
واليا مشى ممشاه ماهوب سيده
قالوا لكل انسانٍ اشباه وندود
لكن ما اظن ان المقوله سديده
الادامي هذاك ماهوب موجود
فالكون منه غير نسخه وحيده