منتديات سكون القمر - عرض مشاركة واحدة

01-23-2021, 07:07 PM

الجود

الجـــود شيمه يا حضــرة الاجــواد

واللـــي يمـن بجود لا يحتــري رده

الجــود نبــراس به يفخــرالمقــــداد

بين الجمــوع ويلحـق الطيب حـــده

والجـــود شاش القلب كما الضمــاد

عطـــــره شموم العـــود يا حلو نده

يا راعي الجـود خلك كما المنطـــاد

لا تنــدم بجـــودك وتميـــل للصــده

ترى البخــل شيطان للردي مرقــاد

يلـــوي ذراعــك ليّة الحبل للعقــده

وتصيــــرفـي عيونهم مثل الاقــراد

منبــــوذ وجـه وقفى ما بك الســــده

حتى ضميـرك داخلك يسـال بترداد

وتصبح ذليل النفس يلطم على خـده

خلك نبيل الخلق وشوفـــك بالابعـاد

تكسب جميل الفعل ودعاك بالشــده

قال الفكر قول ولا يقصد به عنــاد

وخط القلم حرف وانهى للشعرعده

بقلمي / العسيف
من كتاباتي