الموضوع: روايتي الاولى ملائكيات
عرض مشاركة واحدة
قديم 04-05-2014, 12:22 PM   #11

الصورة الرمزية عابثه
عابثه غير متواجد حالياً

بيانات اضافيه [ + ]
 رقم العضوية : 550
 تاريخ التسجيل :  04-04-2014
 أخر زيارة : 04-07-2014 (04:33 AM)
 المشاركات : 8 [ + ]
 التقييم :  10
لوني المفضل : Cadetblue
افتراضي ,


* البـــارت الرابع *

حقدها في نظرها ~

والله لخلي عزتك تحت ماطاي
تمشي وعينك ماتعدا مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك)


************************************************** ***********************

* عند عائله رنيم العوف *

رنيم تفكر بخطه تنتقم من كايد عشان يعرف قدر نفسه خساره فيك ياكايد حبيتك حب طفوله وانت ولاهمك صحيح ماعندك قلب وربي لانتقم منك يالخايس اجل انا رنيم الكل يتمناني تجي انت تقول الكلام ذا اللي مفروض يكون لاختك نوف البقره اهه وربي لاقهرك

الام : رنيم وينك وجع لي ساعه اناديك صوتي انبح
رنيم : يمه هنا خير شبدك
الام بابتسامه : جهزي نفسك على العصر بيزورنا كايد وامه
رنيم تفكر بافكار طاغيه وتبتسم: ان شاء الله يمه ماعليك انا بتجهز وعلى العصر اكون اول ماستقبلهم
الام راحت ترتب البيت ورنيم راحت جري على الغرفه وتصارخ اخيرا اخيرا بنتقم والله وجيت بنفسك لحد عندي وربي لتندم (- راحت على السرير وشغلت اغنيتها المفضله وجلست تبتسم وفي راسها الف فكره -)
اذن العصر ورنيم وامها متحمسين لاستقبالهم ~
رنيم متوتره : يمه شرايك بلبسي امم احسو مو مرا
الام باعجاب : لبى والله ملاك على الارض خليه مرا نايس حصني نفسك يابنتي
كان لبس رنيم فستان قصير لونه تيفاني وفي شريطه من ورا ذهبيه كانت ماسكه شعرها ذيل حصان وحاطه قلوس عودي وأتعطرت بعطرها المفضل كوكو تشانيل وكعبها عالي وكانت متحمسه مو علشانهم بيجون لاعشان تررد كرامتها وترد الصاع صاعين بكايد الحقير
اما ام رنيم كانت لابسه جلابيه كحلي وحاطه شعرها مكر باختصار هي وامها يقولون للقمر وخر وبنجلس مكانك ~-
ضيف ام رنيم مرت اخوها : ياهلا ياهلا تو مانور البيت اي والله
ام كايد تبتسم : هلابك ياختي كيف رنيم وكيفكم عساكم بخير
ام رنيم ترد لها الابتسامه : والله كلنا نسال عنك الا وين كايد
ام كايد : هذا هو قدامك
كايد يتقدم لام رنيم :اهلين وسهلين وبوستين على الخدين
ام رنيم بحب : اهلين فيك تفضل وشوله واقف
احتسو القهوه جميعا الا على جيت رنيم جات تتمخطر بدلع وصوت كعبها العالي الفت نظر كايد
رنيم بدلع : هااااااااااااااااااااااااااااااااااااااااااااااااا ااااااايوو
ام كايد وام رنيم : عليكم السلام
كايد فطس على تلقيطت الوجه بنات اخر زمن قال هاي قال
رنيم تفشلت وتلتفت لكايد: كيفك كايد وحشتني مرا
كايد قال بترقعها : مايوحشك غالي
ام كايد بتذمر : وانا يابنت نسيتيني وعلى طول رحتي لكايد له له وربي زعلتيني
رنيم بحب : انسى الدنيا كلها ولا انسى ام الغالي اءء اقصد ام كايد
كايد ييطقطق على الجوال ولا هو يمهم شوف الزلابه شوف :
ام رنيم : قومي يابنت جيبي العصير
رنيم بحماس على خطتها : من عنيا الرماديه ذي
ام كايد وام رنيم جلسو يهذرون وسالفه توديهم وسالفه تجيبهم
************************************************** ***

************************************************** ***************************
* عند عائلة غازي كان جالس مع اهله *
ريم جالسه معهم وبالها مشغول بصاحبتها وحزينه على حالها :
غازي انتبه على ريم : ريم
ريم بفزع : ه ه هلا
غازي باستغراب : وش فيك منتي معنا فيك شي.؟
ريم تنزل راسها ماتقدر تصبر اكثر من كذا : لابس حزينه على صاحبتي هي بالمستشفى
الام بأسئ : ولايهمك راح نزورها بس ماقلتي لي مين بنته واحنا نعرفهم؟
ريم بفرح انها بتزورها : اي يمه هي اسمها وريف الزايد
غازي تجمد ويحاول يستوعب مو معقوله حبيبته نونته طفلته اللي تعني كل شي بحياته بالمستشفى ولا درى
غازي بخوف : ريم انتي متاكده من الاسم
ريم بفرح : اي متاكده يلا انا بروح اجهز نفسي عشان ازورها
الام تدعي : روحي الله يوفقك ويقومها بالسلامه وانت ياغازي روح لاقرب محل جيب شوكليت وورده عيب نروح يدنا فاضيه
غازي دمعته نزلت : ان شاء الله ان شاء الله يمه
الام شاكه بوضعه : اوك واذا رجعنا لي تفاهم معاك
غازي خاف امه شكت : خير ان شاء الله وش صاير
الام تصرف : لارجعنا اقولك يلا روح جيب اللي قلت لك عليه
غازي شوي ويطيح مايقدر يتوازن طلع تنهيده : ااااااااااااااااه
شغل سيارته غازي وعلى اقرب مستشفى يتطمن على عصفورته
راحت ريم وغازي عند الريسبشن لو سمحت وين غرفهxxxxxxxxxx غرفه رقم 987 اوكي مشكور
غازي يمشي وخايف من مواجهتها : هذي الغرفه يمه شوفي بالداخل اهلها عشان اقدر ادخل
الام بشك : وشوله تدخل عيب البنت ماتكشف عنك
غازي ينتبه ع نفسه لايروح بالغويط
ريم بدموع : يلا يمه تاخرنا على البنت
دخلو الغرفه وريف كانت نايمه وكان ام وريف تقرا القران عندها ولما شافت ام ريم
ام وريف : هلا والله
ام ريم : هلابك وماتشووفين شر في بنتك
ام وريف بحب : الله يجزاك خير ماقصرتي ماله داعي هالكلافه
وريف بدت تصحى وتحس بوجودهم واول ماشافت ريم صرخت : ريمممممممممممممممممممممممممممممماني وحشتيني ياكلبه
ريم تنط فوقها : وانتي كمان يابطه وربي وربي وحشتيني وخوفتيني عليك لايكون تتدلعين كش عليتس
ام وريف وام ريم يناظرونهم ويدعون لهم بقلوبهم : ~
وريف بدموع : وربي افكرك نسيتيني كنت بقطع العلاقه فيك يامروحه
ريم بدفاشه : افا انا انساك لالا مايصير تتهميني بشي ماصار
ام وريف : ويهه بس الله يسعدكم على حظكم الطيب
ام ريم من قلب : اللهم امين وتبتسم لهم ~
************************************************** *

*عند بطلتنا غرام *
كانت تقلب بالتلفزيون ~
غرام افف : مافي شي زين وربي مافي شي زين (- طيب مصدقينك مايحتاج خخخخ
رغد بتخطيط :غرومه انتي هينا
غرام تستفزها : لاهناك
رغد ودها تخنقها بس ماتبي تخرب خطتها : غرام ابيك اليوم تنزلين نشتري لنا فستان كذا حلو
غرام : وش المناسبه ماشريتي الا الحين اخبرك تعيدين لبسك مليون مره حللتيه من قلب
رغد بتذمر : غرام بتروحين ولالا
غرام من الطفش وافقت : اوكي بس متى عشان اتجهز
رغد بفرح فادح : العصر يلا استاذنك
غرام بينها وبين نفسها : هين يارغيد تحسبيني غبيه وماعرف وش وراك بس بمشيها واشوف اخرت لعبك بذيلك وين بيوديك ~ \
سمعت صوت صراخ وارتعبت: خير وش فيه وش صاير
الاب يضرب بامها : الحقيره خانتني مالها جلسه في البيت
غرام تضم امها وتحاول توخرها من هالمجرم : متاكد خانتك امي هه والله اذا طلع الخبر صحيح من حقها ترى
الام تبكي : حسبي الله عليك روح الله لايوفقك
الاب يسب ويلعن كالعاده : انا بروح بس وربي لو رجعت ولقيتك لارميك بالشارع
غرام خافت على امها : يمه تعالي غرفتي ماعليك ذا رجالك سكران ليل ونهار توقعي اي وقت يجي يقتلك عادي تعودي
الام تبكي وفضلت الصمت ماتبي تزيد الطين بله ~
غرام بجديه : يمه كيف صابره على عذاب ابوي لهالدرجه تحبينه
الام بقهر : يابنتي عذاب الدنيا ولا عذاب الاخره
غرام بفخر في امها : الله يصلحك ويجمعه فيك يارب
الام تحاول تبتسم : امين ياقلبي الا وين رغد وتولين
غرام تفطس : رغد لاتساليني عنها اما تولين يمه هي كل نايمه غريبه مافقدتيها الا الحين
الام تضحك : يبالها محطه على الراس ذي تولين ماتشبع نوم بسم الله عليها
غرام فرحت ان امها ابتسمت حطت راسها على رجل امها بحب ~
ام غرام تمسح على راس غرام وتقول بنفسها والله وكبرتي قدام عيني بس ودي اعرف وين امك اللي ماقدرت تتحملك ورمتك عند اقرب زباله اخ ياغرام لو تعرفين
الحقيقه وش راح يصير فيك
غرام حست بدمعة امها طاحت على غرام : يمه وش فيك بسم الله عليك صدقيني باخذ حق ابوي منك يمه كل شي ولا دمعتك
ام غرام : لامافي شي يابنتي وش حق ابوك عيب هذا ابوك مهما كان رباك
غرام بتعجب على صبر امها ومدافعتها عنه ~
************************************************** ******************
ابكيتني وانا احسب انك تكره بكاي
اثرك تلذذ في دموعي وانا ابكي


كم سؤال مات في صدري جوابه
وكم اجابه حية قبل السؤال
السؤال يتيه في ليل سرا به
والاجابه ثابته في كل حال
والسؤال اللي له بنفسي مهابه
ليه احبك حب جاوز للخيال


تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني وليه احببته اهو حبني منه وليه
من غير لا أنا اعترف ومن غير لاهو يعترف

************************************************** ***********
انتهــــــــــــــــــــــــى البارت



 
رد مع اقتباس