الله يجازي مـن يسـوي سواتـك ...

الله يجازي مـن يسـوي سواتـك ... وبذنوب من سوى سواتك يجازيـك

مشيت درب الثقـل وتحـب ذاتـك ...ماتـدري انـه للمهالـك يـوديـك

غـرك جمالـك ياخسـاره حلاتك ....ماتدري ان ماغير طبعـك يحليـك

بتقـول زينـك يشفـع لسيـآتـك ....الحسن ماهو عن وفا الحب يعفيـك

لوالتواضع والوفـا مـن سماتـك ... بعت الحبايب كلهم ديـن واشريـك

لكـن عجـزت اغيـرك ياجراتـك ....على الغياب اللي بلا عـذر ينجيـك

خطاي في توضيح وشـي غلاتـك ....وخطاك في توضيح وشـو تغليـك

وشلون توصيني وتنسـا وصاتـك ....وتصد عن صوتن تقطـع يناديـك

مافاتـك التجريـح والعـذر فاتـك ...وتبغي الراي الحين ماعـاد يمديـك

صحيح احبك بـس هـاذي جزاتـك ....بعلمـك درس يفيـدك ويحيـيـك

تدري وش ابيض من خفوقك عباتك ...وتدري وش اللي غرني نظرتي فيك

ادري بتستغـرب تصبـر وجاتـك ... قصيدة مـن واحـد كـان يبغيـك

وتبغي تناظر وانت عايش مماتـك ... شف وحدتك والناس تجلس حواليك

وتبغي تشوف اشجع رجل في حياتك ... شفني وانا راحل على كثر ماغليـك

تسلم الانامل
دام الحضور والطرح المميز
لا حرمنا منك

اشكرك راقينا احمد
لرقي اختيارك
ابيات رائعة ومميزة
لك كل الشكر لتلك الروعة

شايان شغف
اسعدني وشرفني مروركم

سلمت يمناك
على الانتقاء الاكثر من رائع
ولاحرمنا جديدك الشيق
تحياتي لسموك

راقني ما حملت لنا ذائقتكم
من تميز ورقي وجمال
لا تبخلوا بجديدكم

شكرا لاختيارك الراقي
والكلمات المختارة بكل جمال
تحيتي وورودي

إنتقآء شدني كثيراً
فـ سلمت على ذوقك الرفيع
ولك كل الود والإحترآم

صح الله السان شاعرها وناقلها
سلمت على نقلك واختيارك الراقي
يعطيك العافيه
ننتظركل ماهو جديد فلاتبخل
دمت في رعاية الله وحفظه