على طلعة الجوزا نبي نسهر الليلة

سرى الليل يا ساري وجرحي عرفت دواه
على طلعة الجوزا نبي نسهر الليله
انا بامسح الجرّه إلى جيت حول حماه
عسى الناس ما تدري وتعرف مداهيله
ترانا على الشكوى ومر الشقا ذقناه
اقوله وانا الشاكي ولا في يدي حيله
عسى الليل لاحدّر وكلٍ عرف مسراه
تناحت نجوم الليل والقلب يسري له
أجي له على الداعي وودّي على لاماه
أحبّه محبّه وارخص العمر واضحي له
يحير النظر لاغاب قلت آه وين القاه
تكسر بي العبرات إلى ابطت مراسيله
تمشكلت في حبّه وشيٍ مضى مانساه
غرابيل قلبي .. والشقا من غرابيله
عسى الجو يصفا لي وحبي على مبداه
تطيب الجروح ولذّة العمر تكميله

الاصيله
متصفح في منتهى الروعه
أكليل من الورد لـ روحك
وفيض من الود لـ طهر قلبك ."ْ

حضورك وحروفك شرف لي
لا خلا ولا عدم

إِبداعٌ لَا يُمكنُ أَن يُظَاهيهِ إِلًا أَنت في الجمْالْ, وَ شجنٌ لَا يُمتعنَا الْا إذا كانَ منْ عزفٍ أَناملكْ, راقَ لِـي الطرحُ وَالحضُورْ , عناَقيدُ لُؤْلؤْ لِـ فَخامَتِكْ وَ وَردَةة ,.

منوره غلاتي الورده
لا خلا ولا عدم