شفتك بعد غيبه

شفتك بعد غيبه .. وحاولت احاكيك
مهوب من قلبي ولا من جراته !!

بغيت اقول فلان وازريت اناديك
وكني سمعت اسمي مع الألتفاته

فزيت من نومي وانا اقول لبيييك
وآثرك رويا .. في منامي وجاته

صفقت كف .. وقلت يا حلم وش فيك
جددت لي جرح ٍ هنى في مباته

يا اللي شريت البعد .. ما غاب طاريك
حتى لو ان البعد .. سواا سواته

مهوب محزني .. على حاجةٍ فيك
إلا إن قلبي شايف ٍ بك غناته !!

كن الطيوف تقول وشحال غاليك
وآقول راح .. وما بقى الا غلاته

لو ان ما جاني من الهم ياتيك
كان المصلي ما حفظ وش صلاته

مريت شارعكم وصادفني أخيك
والي قطع قلبي حلاتك وحلاته

بقيت الخيط من دعايه ودعيك
واسمك وقف بين اللسان واهاته

بقيت اجيب العيد وأقول يرضيك
فالي وصاتي له وضيع وصاته

البعد شي بخافقي ميت فيك
والى مشى خطوه عثر في عصاته

مشكلتي / إن قلبي يحبك ويغليك
ومشكلتك / انك شخص عايش حياته

كثر الجفا .. نار .. وحطبها تغليييك
خف الحطب .. لا تزيد نار الشماته

إن ما احزنك جرح ٍ برجواه يدعيك
ما عاد تفرق .. عيشته من مماته

قلبي وعمري كلها بين اياديك
العمر فدوه .. لكن القلب هاته !!

وإن ما بغيت ترد قلبي ما اوصيك
احسن عزاه .. الى دريت بوفاته

ضي القمر ,نهيان معجبون بهذا

اشكرك على رقي انتقائك وجلبك
قصيده أكثر من رائعه
يعطيك العافيه ياغالي
وننتظر المزيد من اختياراتك فلاتبخل

طرح رائع وجميل
ربي يسعدك ويحميك
الله مايحرمناوجودك وجديدك المشرق

صح لسان قايلها
وسلمت اياد نقلتها لنا وامتعتنا بقرائتها والاستمتاع بمعانيها الجميلة
ابيات قمة واختيار فاخر
يعطيك الف عافية على الجلب المميز
لاحرمنا عطاءك
لجهودك التقدير