تعجــز حروف الكـون عن وصــف خلي(الفريق الاحمر)

أعجــز عـن التعبيـر والوصـف والبــوح

وتعجــز حروف الكـون عن وصــف خلي

ريـــــــم الفــــلا ريان عــوده ومملـوح

خشـفٍ على عـــرش الجمـال مْتعـلّـــي

جامع صفــات الزيـــن وبخـده الضــوح

مثل القمــر بين النجــــوم مْتجـلّـــي

ماشفت مثله بالمــلا طبـــع ومـــــزوح

لامن طـــــرى لي خاطــري مسفـهـلـي

له رمش وان سلهم فلاشــك مذبــــوح

فعلـه بقلـبـــي جيـــــش نازل مظلّـي

كله دلع صــــوتــه رخيـــمٍ ومبحــوح

يعــــزف وتـــر قلبــــي دلال وتغلّــي

باسبــاب ظرفـه صرت انا منه مجـروح

يامــا تمنيـت الوصـــل مـا حصـل لـي

ولامن فقدته صــــاح في داخـلــي نـوح

تبكيــه عينــي والخـفـــــوق ومحلّـــي

يـاروح وين اللي سكن داخــل الــــروح

ويـن الـــذي تل المعـــــاليــــق تلّـــي

وين الــذي عطــره مع أنفــاســه يفوح

هـو منيـتــي بالكــون شمسـي وظلـي

تفــوح مع ذكــره شجــون الغــلا فوح

إي والله إنـه مـــــالـكٍ كــل كـلـــــي

يمـــرنــــي طيفـه مع الليل ويـــروح

وألمح خيــــاله في منـامـــي وأهلّــــي