ديوااان الشاعر ســــــلطان زمـــانه

كنت صادق في غرامي . كنت مترجي لقاك
========= كان ودي عيش جنبك. وامتزج منك وفيك
جيـتـني لول بلهـفه . ماتـعــّبـر ذا وذاك
======= غير اشوف اليوم طبعك . غير عن هذا وذيـك
من أقاصي كل قلبي . قلت لك مشتاق أراك
======= مارجـع لي رد مـنـك!. قـلـت لك ويـنك ابـيـك؟
قلتها رددتها كررتها! . والصدى يملا الفلاك
======= وانت تـتجاهل مقامي!؟ ياجميل امسك بـريـك!
من صحيح انك بعـيـني . في نظر عيني ملاك
====== غير مرضى بالتجاهل . لي ولا ارضى به عليك
سير في دربك ودوّر. واحداً من مستواك
======= ما انا يكـفي عـذابـك .. صار في عمري شريك
يكفي اللي شفت منك . وش جبرني عـالهلاك
======= بقـتـطف زهرة شبابي . قبل ارى عظمي ركيك
لاتـفكر حد.. خـدعـني . او حدا عندي وشاك
======== كان هو محض اختيارك. للوداع اللي وشيك
صدق بالأمس اهتويتك. وامتلك روحي هواك
========= وانت عارف بالحقيقه . كيف قلبي مهتويك
جيت لك من كل قلبي . قلت لك مد اشتراك!
======== انما ودك تـــغــادر. بــعــتــني قـبـل اشـتـريك
كنت صادق في غرامك. كنت مترجي لقاك
======== إنما اتـخـلـيـت عـنـك . والخطاء مـنك وفـيـك