رحله مع كباتن سكون

مساءكم سعاده ال سكون القمرر
اختنارتني الجميله وترر اكون بعدها بموضوع العزيزه المطرر
الموضوع جدا جميل ويعرفنا على بعضنااااا


...........................


نبداء بسم الله

بسم اللهالرحمن الرحيم وبه نستعين ونبتدي

اخر سفرية كانت لك لفين ؟
سويسرا من كم شهرر
أقصر سفر وأطول سفر بحياتك ؟
اقصر سفره للكويت ثلاث ايام
واطول سفره ل ايطاليا مع العائله(10) وكان البرد شديد

أجمل مطار شفته ؟
مطار بلادي مطار قطر الدولي ،، شفت مطارات كثيره ولكن ما راق بعيني غير مطار بلادي اللي الكل يمدحه دوليا وعالميا..
الدولة اللي تحب تزورها؟
تركيااا والكويت ..
نحب نشوف صورة لدولة تتمنى تزورها ؟
ابشروا بجيب كم صوره لتركيااا

















الصور كثيره ولكني اختصرت بثلاث صور وان شاء الله بعطلة الصيف اسافر لهاا
والكويت غنيه عن التعريف هذه ازورها بالسنه ثلاث مرات ان لم يكن اكثرر
وهذه صور مختصره من الكويت














وبس

الصور كثيره ومعالم الكويت جدا جميله وخاصه الاسواق القديمه واماكن التراث






أجمل مكان شفته بسفرك ؟
والله جبال سويسرا وانت فوق ذاك الارتفاع وب اعلى قمه تحس بشعور جميل وخاصه وان المناظر اللي تحتك كلها خضرا

صحيح صوري جايبتها من قوقل ولكن هي نفسها الاماكن اللي زرتها وعندي صور نفس اللي بنزلها لكم ولكنها صور خاصه فيها عائلتي..







وننتقل من مكان عالي ل اعلى بالتلفريك











نفس هالاماكن سكنت





وبيوم استأجرنا مركب وسائقتنا كانت مدربه دارت بنا اماكن كثيره من بعد ما نزلنا من الجبل


وبس ترى اختصرت لكم مابي ازعجكم بكثرة الصور








كم مرة سافرت بحياتك ؟
والله كثيير بحكم شغل الوالد وبعدين اصبحت الاسره متعوده ع السفر بالسنه مرتين

والود ودنا نسافر اكثرر ولكن بحكم الوظائف والالتزامات نخضع ونقلص سفراتنا مجبرين لا ابطال..

اكثررموقف محرج حصلك في سفرك ؟
يوووووه كثيير اذكر منها واحد بس :
مره طالعين من الفجر للجبال اللي كلمتكم عنها وجبت الصور وكنت مجهزه شنطه صغيره
تعلق ع الكتف فيها ملابس لي بحكم ان احنا بنجلس برا الفيلا تبعتنا لحد الليل وكل الاسره عملت حسابها واخذت اللي يلزمها لانه سبحان الله هناك الجو متقلب بمكان درجة الحراره واحد تحت الصفر وبررررررد وبمكان ثاني حااار تقولون جونا بالصيف هههه
المهم

بعد ما انتصف النهار وغيرنا وجهتنا والكل غير ملابسه وبنروح مكان هادي دافي مهب برد

جيت بغير وافتح الشنطه لقيتها شنطة امس اللي فيها بقية الاكل ههههههه الشناط تتشابهه
وانتكست حالتي الحين انا ميته حرر وابي ابدل ثياب الاسكيمو اللي علي ولكن مابه امل وتغيرت نفسيتي وبان علي واهلي يهدون فيني واللي يضحك علي واللي يتشمت ولكني حبيت اثبت انه ولا يهمني صرت اجاريهم واركض معهم وانا داخليا ميته حرر وثياني الثقيله بتقتلني هههههههه يمكن ما وصلت لكم الصوره ولكن نص نهاري ذاك اليوم راح علي ..

ماذا يعني لك السفر وهل تحب تسافر ؟
يعني لي تغير اجواء ونفسيه ووجوه احس اني بعالم ثاني من اسافر

اعيش لحظاتي الجميله بكل تفاصيلها اصور سناب وارسل للاهل واتكيف مع الاجواء

وخاصه ان سفراتنا تكون عائليه والجو الحلو مسيطر ع السفره ..
نعم احب السفر ؟!!
وهل فيه احد ما يحب السفرر؟

شيء لا تستغني عنه في سفرك؟
مصحفي الصغير اللي ملازمني بشنطة يدي والجوال والشاحن والشرج اليدوي والاخير لازم يكون معاي وما استغنى عنه خاصه اني اصور كثير فيفضى الموبايل فاكون عامله حسابي وجايبه معاي شاحن يدوي واكون شاحنته قبل السفر او الجروج لأي مكان وبطول فيه ،، مصحفي معي في حلي وترحالي حتى بايامي العاديه ولله الحمد ما يفارق شنطتي..
اختار عضوين من المنتدى وسافر معاهم ولفين ؟
والله توني جديد وما اعرف الا الجميله وتر واخوي الغالي نهيان ف بختارهم يكون معاي بسفرتي لفرنسا مرورا بتركيااااا وبعدها بنزل كل شخص ببلاده دامني الكابتن واهم شي اجلس مع الغلا وتر بالمغرب كم يوم بعد هالسفره / وبعدها انزل نهيان ببلاده سالم وارجع لبلادي وكلي شووق ..
شاركنا صور أجمل دوله زرتها ومعلومات بسيطه عنها!!
شاركتكم بالصور عن سفرتي لسويسرا والكويت بالسؤال السابق

وان شاء الله بسفرتي القادمه بلتقط لكم صور خص نص لكم ..

بطرح لك منطقه بسافر لها تستطيع تطرح لي جدول للسفريه واذا نعم المنطقه الي حاب ازورها ـــــــــ
نعم بطرح لك ي قطرات المطر فرنسا بلد الجمال ولاني الكابتن فبذكر لك اهم المناطق اللي مريتها بحكم شغلي ك كابتن احم احم
خاطري اجيب صور ولكن المتصفح بيثقل بكتفي بذكر الاماكن اللي بنصحك تزوريها
برج ايفل
متحف اللوفر

كاتدرائية نوتردام دو باري

قصر فرساي

قوس النصر

الشانزلزيه

يورو ديزني// وهذه مدينه ترفيهيه وجميله وعن خبره اقولها لك وانصح بزيارتها







وهذا جدولي لك لزيارة فرنسا واتمنى لك سفره سعيده وممتعه عزيزتي ..

بكلمة أخيرة لقسم السياحة والسفر ؟
والله بما اني جديده ولساتني ما مريت هالقسم ف اللي اقدر اقوله
ان اتمنى لهالقسم انه ياخذ حقه من المواضيع والردود اللي تناسب المواضيع المطروحه.

ــــــــــــــــــــــــــــــــــــــــــــــــــ ـــــــــــــــــــــــــــــــــــ
نتمنى لكم سفر ممتع مع قائدنا الكابتن اللي بيقودنا بالرحلة ويمتعنا
ان شاء الله اني كنت قائدة رحله موفقه اعزائي المسافرين ..
ونتمى ايضا لكم قضاء وقت ممتع ورحلة ممتعة مع قسم السياحة والسفر
اكيد بنمضي وقت سعيد ومتتع معكم

وحابه اختار اخوي المميز يكون قائدنا رقم /3/ من بعدي ووتر برسل له الرابط ..
موضوع جدا رائع غاليتي قطرات المطر

ودي واعجابي وكان بودي اقيمك ولكن الكل عارف انه فيه خلل بالتقيمات..