هذي امك لا هذي خدامتنا

السلام عليكم ورحمة الله
وبركاته


بقولكم كم موقف تصير في مجتمعنا للاسف

الموقف
الاول : فطوم وسوير جالسين في
الفصل وكان عندهم اجتماع امهات طبعاَ ولا وحده قالت لامها
سمعت ام سوير من جارتها ان
الثانوي عندهم اجتماع قامت من حبها لبنتها وحرصها عليها راحت له تبي تطمن على
مستوى بنتها الدراسي ..

في المدرسه
/ جات الأم شافت بنتها سوير
قامت تناديها ,سوير شافت امها انصدمت انها جايه قامت سوت نفسها
ماشافتها سألتها فطوم من هاذي اللي تنادي عليك جاوبتها سوير هذي جارتنا النشبه
خلينا ننحاش منها !!!


الموقف الثاني

منى عازمه صديقاتها
في البيت وقايله لامها لا تطلعين لهم تفشليني عند صديقاتي
جاو صديقاتها شافوا امها بدون
قصد من الام سالوا منى هذي امك ردت عليهم لالا هذي شغالتنا بس ماتلبس حجاب اذا
ابوي مو بالبيت !!!


الموقف الثالث

ريم علي بالصف
مرت عليهم مشرفه الغياب خذت اسم لوحده غايبه بفصلها اسمها ريم بدون لاتاخذ اسم
الابو او العائله قامت الاداره دقت على بيت ريم علي بالغلط ..
ردت الام
الاداريه : السلام عليكم
ام ريم : وعليكم السلام
الاداريه : حنا المدرسه بغينا نسالكم عن ريم سلامات وشفيها غايبه ؟؟
ام ريم : هاه ريم لا مداومه اليوم
الاداريه : لا ماجات المدرسه < بدون ماتتأكد
ام ريم خافت وراحت ركض للمدرسه وهي تبكي وفي بالها الف فكره وفكره
راحت لقت بنتها بالسيب من
خوفها عليها ضمتها دفتها ريم
ريم : فشلتيييييييييييييني وش جايبك المدرسه !!!


برايكم :
* البنت اللي كذا تستاهل هالام ؟؟
* ماسبب حدوث هالعقوق برايك؟

اترك لكم حرية التحدث ..