جيتكـ غلا ما يحتمل شرح وإعراب

قلت السّـلام وقالت بصـوت مرتاب
بعــد الجفا يا فلان ويـش جايبكـ ؟؟!!

يامن كسرت بغيبتـكـ قلــب وأهداب
تـوّه جبــركـ الشـوق تذكـر حبايبكـ ؟؟!!

قلت لــ هنا يكفــي مشاريــه وعتـاب
وعن مــا تقولينــه أنـا بوجــه شايبكـ !!

مافات مات وللجفـــا عــذر وأسبــاب
لا هـي مـن أسبابـي ولا مـن سبايبكـ !!

قالت خــذاكـ الـوقت والـوقت حطّّـاب
لغصــون قلب ٍعاش يرجـي سحايبكـ !!

قلت لعيووونـكـ صادق الـود ينسـاب
على الورق كـنّــه يذوووب بلهايبكـ !!

ذوّبت لــكـ قلــب ٍمن الوقت ما ذاب
وسريت لـكـ ليـل ٍغفـى فـي ذوايبكـ !!

الشوق فج الصدر والصدر محراب
والقلب لــو حاولت مــاهــو بتايبكـ !!

جيتكـ غلا ما يحتمل شرح وإعراب
أقـرب لأنفاسـكـ مـن أقـرب قرايبكـ !!

أمــا إنثريني للمــدا صــد وغيــاب
أو إدفنينـي وســــط جنّـــة أطـايبـكـ !!

فكّــت أزارير الشفق وإعتــدل آب
وقلــت إمسكيني لا أطيــر بهبايبكـ !!

قالت تفضّل يا بعـــد كـل الأقراب
ونــوَّخ على رمــل الحنايا ركـايبكـ !!

ميّـــة هــلا وإقلط على شـط عنّاب
البيـت بيتـــكـ والأطـايـب أطـايـبكـ !!