رشــة شعر .. لمن تهديها .. ؟

ياخاطري لا تحسب الضيق ذبـاح
ضاقت خواطـر نـاس قبلك وراحت

إصبر و تلقى للفرج فيه مفتـاح
واصبر ولو كان السدود استباحت

الا ياصاحبي الرفقه ترى ماهي ثياب جداد
تبدلها متى مليت وتلبس غيرها ثاني

على كثر ماجاني من الوقت ما دنقت
مقادير مقسومه والاوجاع منسيه

ياكثر المجامل والحقيقه إذا برّقت
كثيرين من ربعك صداقات وهميه

سال الحبر وتلطخت بيض الاوراق
وجف الفكر من قبل كتب القصيده
وجيت عاني امشي لك على ساق
صعب الفراق والصبرمن مثلي يجيده

سجلت لك في صفحة الطيب ميلاد
بين الرجال الي عريقة نسبها
ترفع لك الراية على رؤس الامجاد
وان شبت النيران تخمد لهبها
وان كان لأهل الطيب سيد وأسياد
ترى أنت سيدها وسيد عربها

منزلك في القلب عالي
ورمش عيني لك غطا
ماني عن حبك سالي
انا احبك ياقليل بالعطا

يارب أنا عـبدك ولو كنت عاصيك
رحمتـك تسبقنـي على كل وادي

أستغفرك وأسجد لوجهك واناجيك
يا رب تغفــر لي ، خطاي وعنادي

ادمحي الزله تراني ماقويت
انظر عيونك وفي عيونك لي عتب
دفتر احزاني عنوانه هويت
شوق وحب في عيونك والهدب

حطيت وسط القلب جمله وقوسين
(ممنوع اي انسان ياخذ مكانه)

عشان لامن جابه الشوق بعدين
يفهم ترا المضمون كله عشانه