وفـي صدرهـا رمــان محمــي ورى الاســوار

. تهل الغيوم العاليه بالمطر مدرار
ولاكل ما تنبت به الارض ريحاني

وانا كل ما قلت انتهي يبتدي المشوار
فحسبي على نفسي وحظي وشيطاني

بلوني مع اللي زينها يلفت الانظار
يذوب الصخر لو شاف ما شافت اعياني

ولو حسنها وزع على ساير الاقطار
فلا ينشرى المكياج لو كان مجاني

لها عيون تسحرني لها وجه شع انوار
جماله طبيعيٍ من الله رباني

لها جسم يتحدى بنات البست والبار
رياضي ومتناسق وناعم ورياني

وفي صدرها رمان محمي ورى الاسوار
الا واهني منهو لرمانها جاني

ومنطوقها معزوفة الناي والجيتار
يحفز هواجيسي ويعصف بوجداني

جذبني هواها وانجرفنا مع التيار
على الساحل المجهول خذني وخلاني

تلاعب بحاسيسي وشبت بقلبي نار
دقيقه تكلمني واسابيع تنساني

وانا اصبر والاطفها وهي قلبها جبار
تغلى عليّ مدري هدفها تحداني

ولوهي اعرفتني زين ما صار لي ماصار
ولاكان تهجرني ثواني وتجفاني

فمن يجهلك معطاك حقك من المقدار
ولاثمنك لو كنت من روس شجعاني