ياللي تبيني حولك اليوم والغـد ..

ياللّي تبيني حولك اليوم والغـدّ

. . . . . . وأجمل أوقــاتـك وقتـنا لو جمعـنا

نفس الشعور أحمل ولاوقفتي ضدّ

. . . . . . نفس العـــلاج اللـي يشتت وجعـنا

لكن انا وقتـــي رسم لي وحددّ

. . . . . . مـانجتمع حتـــى لو جيـنا رجعـنا

الوقت واقف واعلن المنع واللدّ

. . . . . . أغــــرانــا لكن بـالنهــــايـــه منعـنا

يعني يجمعنا شيّ ماهو مؤكدّ

. . . . . . والمستحيل اقرب من قصة سمعـنا

والخطوة أوقفها كثير الترددّ

. . . . . . والوقـــت أنـكـــرمــامشيــنا وقطعـنا

أشوف دونك يكتمل مطلب الندّ

. . . . . . وتشـــوف دونــي بنخـفــاضٍ ولعـنا

واشوف دونك مابقى من أمل شدّ

. . . . . . أقفـى ورى شمس الغروب بطمعنا

غابت الشمس وكنت واقف على سدّ

. . . . . . عن مستـوى سطـح البسيطـه رفعنا

نتابع آخـــــر مــاتبقّــى من الودّ

. . . . . . لـين أختـفـــى والليـل دونــــه منعـنا

وبقيت حتى الليل مع الفضا أمتدّ

. . . . . . وكفكف عليّ من الفضـا مـاوســعـنا

وقلت آآآه ياقلبي كفى . الحيل إنهدّ

. . . . . . كم لـي وكم لـك مـاشــريـنـــا وبعـنا

ذاك أختفى وهذا رحل وانت لابدّ

. . . . . . أمــا معــــــاهـم .أوّ. يــاقـلـب معـنا

من ارتوى ياقلب صـدّر ولا ردّ

. . . . . . ومـن رد مــايــــرجــــع لعـــدٍ تبـعـنا

هـذا هـو خـوفي واطلبك واتـوددّ

. . . . . . يـــاقـلـب لو عــــانــدت تهنا وضعـنا

انا معك ياقلب متعب ومجهدّ

. . . . . . يكفــــي شقـــى يكفـــي بنـاره وقعـنا

صارت سراب ولاهب القيض يشتدّ

. . . . . . نهــــــايـــة القصّــة بالـذكـرى طلعـنا

يكفيني أتسلّـى بــذكــراه لوصدّ

. . . . . .ويكفـــيه يتسـلّـــى بـــــذكــراي دعـنا

يحبنـي نعم واحـبه بـــلا حــدّ

. . . . . . لــيه القضـــــيه قنبـــــــلــة مجتمعـنا

لازم ولد عمه وجده لهم جَـدّ

. . . . . . والله ماتســـــوى شـــروطه فـــزعـنا

لكن كذا الايام بالمزح والجِـدّ

. . . . . . تضحــك وتحــــرق بالخفـا مـاصنعـنا

إِبداعٌ لَا يُمكنُ أَن يُظَاهيهِ إِلًا أَنت في الجمْالْ, وَ شجنٌ لَا يُمتعنَا الْا إذا كانَ منْ عزفٍ أَناملكْ, راقَ لِـي الطرحُ وَالحضُورْ , عناَقيدُ لُؤْلؤْ لِـ فَخامَتِكْ وَ وَردَةة ,.

الاصيله
سلمتي ياغاليه
على رقي اختارك وروعة نقلك
دمتي بسعاده

تواجدكم اسعدني
لا عدمنااا طلتكم يااارب
كونو بالقرب تواجدكم شرف لي

لديك أسلوب مذهل في التعامل مع
الحروف والكلمات برقي
فقد ارتدت ثوب الابداع والتميز
دائماً تجبرني أن أقدم احترامي وتقديري
لك لـ قلمك المبدع
أشكرك على كلماتك الرائعة
وجمال بوحك
دمت في حبٍ وسعادة