الصمت يكفي ويشفي صدر راعيه

الصمت يكفي ويشفي صدر راعيه
لا صار كل الحكي مالـه معانـي



والقلب ما عاد تعنيه المشاريـه
والعين ماعاد تغريهـا الامانـي



والخاطر العمس من يقدر يسليه
الناس والا الشعـر والا الاغانـي ..؟



يا كاتب الحزن في قلبي وقاريـه
في نظرتي في انفعالي في حناني




ياليت حزني مجرد دمـع وابكيـه
ماهوب عايش معي بين المحانـي



ماهوب يظهر علي واحاول اخفيه
و تصير نظرات حزني هي لساني



لو للسحايب سجن يا عبرة التيـه
والله ما احبسك بخفاقـي ثوانـي



مدري ذكرني زمان كنت ناسيـه
مدري ذكرت الزمان اللي نسانـي



كنت اكره البحر واخاف الغرق فيه
و اليوم احبه واخاف من المواني



كنت اعشق الجاي باحلامه وامانيه
يا ما بنيت بخيالـي لـه مبانـي



ياما رجيت العطا من مـدة يديـه
حتى خذا كل شي ومـا عطاني

ابداااااعة بطرحك وكلاماتك الاكثر من روعه لك كل الود والورد

أبدعت

كلمات رائعه جدا يسلموووو

,,

سلطان زمانه لقد راق لي طرحك
لك شكري وامتناني
على هذا الطرح الراقي
تقبل مروري المتواضع
لك مني كل الود والاحترام
ودمت بحفظ الرحمن

حرفك عذب وباذخ الجمال
سلمت الايادي على ماجلب لنا
لاحرمنا المزيد من هذا الفيض
تحيتي بحجم السماء اليك ...

يعطيك الف الف عافية
علي المجهود الراقي
كالعادة ابداع رائع
كله ذوق
شكراً لك
بانتظار الجديد القادم
دمت بكل خير
طائر الرومنسية