يمه علام الجرح قاسي وغلاب

يمه علام الجرح قاسي وغلاب
يمه احسب الناس مثلك نديه!
لاتحسد وتكره ولا يوم تغتاب
ماتعرف ان بيض الهقاوي خطيه
حتى عتاب الحب ماتطري عتاب
تخشى جروح الروح من طيب نيه
المغفره في عُرفها شيء منساب
يمنى رحومن ماتعرف الاذيه
يوم الوجع قاسي مثل هرج الاقراب
ماتاخذ المكيال كيه ب كيه
تصبر على درب الوفا راسها شاب
وتنسى الخطا وياسرعها ب الهديه
يوم العطا من عزة النفس بحساب
ماغيرت قانونها ب العطيه
يمسى الالم فيني وهي عندها طاب
ياكبرها من نفس حره رضيّه
مجروحةٍ والقلب دامي ومنصاب
وماهي على سكب المدامع جريّه
واليوم مع كثر الزعل مابقى اصحاب
وانا مثل امي طلعت الضحيه

يالاصيله مافيه مثل الام بين جمع الاحباب
كل صفات الام صدقيني عليهم عصيه
هي الام اللي بالخير لعيالها بس تــــــــغتاب
وان حكت قدامك تعطــــيك خير وصيه


الاصيله
كل الشكر على ماسطرتي من رقي
لاتبخلي بجديدك المميز
دمتي للابداع والتميز عنوان

روعه وكلام جميل جدا
سلمت يمناكي يالغلا

كلمات رائعة وأكثر
أسعدك الرحمن
ودمتي بألف خير
احترامي

قصيده جميله وإختيار رائع
سكبتي هنا طرح راق لي كثيرا
مافيك حيله ياأصوله ولك كل الشكر

طرح يفوق الجماال
كعآدتك إبداع في صفحاتك
يعطيك الف عافيه
بانتظارالمزيد من هذآ الفيض
لقلبك كل السعاده والفرح