دعوه للبوح مع آعذب الشعر ووحي الصورة!

ياغياب الشمس والوان الشفق
لك معي عادة تكرر كل يوم
تجلب الذكرى لقلب انسرق
تسرق السلوى وتعطيني هموم
دوم تتركني وحيد بلارفق
واتعزوى وسط ليلك بالنجوم
انتظر نور صباحه ماشرق
كن ليلي من سنا الصبح معدوم
بوحي

ينقل الى القسم مناسب

و منورين الغوالي

:)

المرام بعيد والرحلة عمر
والدروب اللي ابي متشابهه
بين ليل وبين هامات السمر
كن خطوات القدم متهايبه
وين ابلقى خطوة فيها تمر
والقدم عن كل تيه تايبه

بوحي

احذر تعود قلبك الكره لوكان
بعض البشر ياصاح مايعجبونك
خلك نظيف القلب مع كل انسان
حتى ولو بعض البشر مايبونك
اللي يبيك افتح له القلب بيبان
واكرم مجيه واسكنه في عيونك
ومن لايريدك حر والكل له شأن
اترك شؤونه وانت ناظر شؤونك
ترتاح ماتتعب مع فلان وفلان
ولاينشغل بالك بكثرة ظنونك
بوحي

ارفع الكفين واسأل ماتريد
الله اللي قال للناس اسألوا
دامه اقرب منك من حبل الوريد
كل ماتبغون منه اطلبوا
اطلبوه وكل مايعطي يزيد
وان تأخر بالعطا لاتيأسوا
كل شي في يدينه ياعبيد
وعن دعاؤه يابشر لاتبخلوا
بوحي

يا بعيد الدار ارحم حالتي
انت قاسي والجفاهو مذهبك
كل عذر منك قبلته سيدي
ماهقيت البعد عني يسعدك
ياوليفي كيف تقسى وتحرمني
حبك وقربك وسهر ليلي معك
بقلمي
انين

تشكي من ظروفك وانا عندي ظروف
والكل منا يشتكي من ظروفه
هذا العذر بين المحبين معروف
اعذارنا عند الوعود معروفه
غرامنا يكتب امانيه بحروف
واعذارنا تقتل معاني حروفه

بوحي

هـــذي يدي مدي يدك....امسكي بيدك يدي
حبيبتي ممكن اسألك....وبعدهاانـتي تســـــــألي
علميــــــني شكثر انتي تحبيني
علمــــني ياكل شوقي وحنيني
علميني وطفي لهيب الشوق فيني
كثرحبات الرمل اشتقت لك .... كثرنبل الغيوم اشتقت لك
كثرموج البحروالله اشتقت لك .... كثر ماهب النسيم اشتقت لك
والحين انتي اذا ودك تســــألي أسألي
بس بالاجابه على سؤالي لاتبخلي
وقلبٍ سكن فيه حبـك لاتهملي
حبيبتي شرعي فالحب الوفا.... وحبي مــــايبرد عــــايشٍ بدفا
احبك وقلبي بحبك ماكتفا....تختفي شموس وحبك ماختفا

نهيان