كنت بحياتك حب او عابر سبيل

والله ماهمني غيرك من الناس
لانك انت كل الناس عندي

دونت حبي لك بكومة اوراق
رتلتها لك قصيده ورى قصيده
قصيدة حزن مزروعه بالاعماق
تروي قصتي وقلبٍ بوسطه حريقه
قالت علامك تايه الفكر منعاق
قلت الجروح اللي بقلبي عميقه
قالت تصبر وانتظر شمس الاشراق
مثلك اظن الصبر يبقى عضيده
قلت الصبر مافاد محبوب بفراق
العاصفه يابنت كانت شديده
هذا عنايا اكتبه فوق الاوراق
واسلي خاطري واسلى بقوافي القصيده

تعال شوف كم جرح اهديتني
كل الجروح قدام جرحك تهون

تجرحني على كل الناس بديتني
لاتحسب انك على جرحي تمون

انا خنت الجفا بس وفيت لذاك المـــكان
وجيتك على جناح الهوى باشواق باينه
يفضح عيوني حبك بزمان غيرذاك الزمان
والله لوعيوني ناظرت غيرك فهي خاينه
ترى مضمون حبي لك اشواق وامـــــان
والله لوهانت كل العذارى منتي هاينه

المواقف بيننا كثيره وماتعدد
وكل شي بينا ماخذ مجـــــــاله
والحياه بين الاحبـــــاب تجــــدد
دام القلب متعلق ماهو بداله
‏واللي يحب فالحب يعطي مايتردد
خذ العلم مني كانك فهمت الرساله
ومن يحب كيف ديـــــنه يسدد
دام محبوبه يعطي بجـــــزاله

انا خنت الجفا بس وفيت لذاك المـــكان
وجيتك على جناح الهوى باشواق باينه
يفضح عيوني حبك بزمان غيرذاك الزمان
والله لوعيوني ناظرت غيرك فهي خاينه
ترى مضمون حبي لك اشواق وامـــــان
والله لوهانت كل العذارى منتي هاينه

نثرت لك حبي شــــــوق واحاسيس
وارسلت لك قصيد بعذب القــــوافي
وجودك يبعد عني جور الهواجيس
لابيحت عن مكنون شوقي بالخوافي
ان جيت ازورك اشوف قدامي متاريس
ومن كثر الاوادم جوي ماهو بصافي
عز الله ان حظي هو الحظ التعيس
ان فكرت بغيابك قلت يالله الكافي

اناواحد من الناس اعرفك وتعـــرفني
سهم الحب اللي صابك ماهو بخافي
لوحسيت أبغيابي تعال شفني
شرع المحبه يجبرك على انصافي