آنْآ مَنّ شفَتـہ حّبِيتْـہ ..{~ جٌننِيً يَخّرِبْ بَيٌتـہ ..•°

يا زماني مابقى فيني صبر = فرحة أيامي مثل نفحة عبير
المفارق جرح ودموعي نهر = والمواجع حطمت قلبٍ كسير
الحياه أحلام .. والدنيا سفر= والعمر لحظات والفرقا مصير
المصايب موج والدنيا بحر = والبدايه خوف والفرحه نذير
الاماني طيف وأحزاني قدر = والـلـيـالـي بــيــن شـــــر وبــيـــن خــيـــر
الحزن يقصر مسافات الدهر= مارحم قلبٍ غدى حاله عسير
آه لو كسر الخواطر ينجبر = مانكسر قلبي على دمعة صغير
يـازمـانــي ضــاق صندوق الــصـــدر=والـمـقــدّر حـطـنــي بــوضـــعٍ عـســيــر
أشــعــر أنــــي بـعُـدهــم مــالـــي مــقـــر=لهـفـتـي أمـــواج وأحـسـاســي غــديــر
لـــو صـبــرت سـنـيـن ياحلم العمر=ماحترق حلمي على سلـك الحريـر
القصيد أحساس والذكرى جمر=والمبأدي الساميه سيفٍ شطير
وآعذابي كل مابان الفجر؟ = كيف أشوف النور بعيون الضرير
بين حلمي والمسافه والقدر= مؤمنه في حكمة الله وأسخير
عزتي للي غدى وسط القبر؟ = مابقى حيٍ بعد موت الضمير

تـعـال شــف لــي بالمحـبـه طريـقـه صفحة غلانـا مابهـا زيـف وقصـور
حتـى الصبـر ماعـاد روحـي تطيقـه لو تعتـذر بالوقـت ؟ مانتـه بمعـذور
أن كـان ودك تـعـرف اكـثـر حقيـقـه بنيت لك في خافقي صـرح وقصـور
فـي ناظـري هـذي دموعـي غريـقـه والقلب مـن فرقـاك بالحـب مأسـور
من لوعة الفرقـى جروحـي عميقـه والعمر دونـك مالـه بعينـي حضـور
النـار شبـت وســط جـوفـي حريـقـه ضاعت سنين العمر والقلب مقهور
بغبـة محيـط البحـر شفـنـي غريـقـه الشمس غابت والمدى ليـل ديجـور
غربـة مشـاعـر بـيـن هــمٍ وضيـقـه متى على الله تلمح عيونـي النـور؟
بيـن المـواجـع والـجـروح العتيـقـه الحـزن فـي قلبـي محيطـات وبحـور
جــزل القصـايـد (للمـحـبـه) وثـيـقـه وأبعـد مسافـة بيننـا حفـنـة سـطـور
أنخـى أعزومـك والهقـاوي طليـقـه دام الوفـا مبـداك والطـيـب دسـتـور
ويـن المحـبـه ؟ والعـهـود الوثيـقـه ياللي مكانك بالحشاء ورد وزهـور
تعـال خـذنـي عــن عـيـون الخليـقـه في غيبّتك قلبي مـن البعـد مكسـور

*صدري من الضيقة مزامير شيطان
تعزف على قلبي وأنا أكره طربها
أستنزل من الحسرة هموم وأحزان
وأجمع مشاريه الجروح وعتبها
وأقول يا ليل العناء حلمي إنسان
يشرب من الوحدة ويأكل رطبها
تعبت أعيش الحال في ثوب حرمان
والعين أزارير الشقاء في هدبها

*صدر الحياة أصبح على هيئة أكفان
والناس تدفن حلمها في غضبها
عندي قناعة جرحنا لبعضنا إدمان
ونفوسنا نارن تزايد لهبها
الطّيبة أضحت ضعف والجرح غفران
وكلّ المشاكل طيبنا هو سببها
السمّ فينا محتضن قلب ولسان
عكس العقارب سمّها في ذنبها

*من المهانة نلبس ثياب حقران
ونذلّ عزّ نفوسنا في طلبها
إذا بغينا حاجة نصيح يا فلان
نفسي ترى جيش المواجع غلبها
وإذا وصلنا المٌبتغى نثور نكران
وندمدم الجمّة على اللي شربها
من الذنوب صدورنا تعجّ طغيان
والسيئة يستأنس اللي كسبها

*إذا استحينا للأسف عمد ننهان
مات الحياء ونفوسنا ضاع أدبها
لو إنّ باقي دمّ بوجيهنا كان
ما تجرح الدمعات خدّن سكبها
الصدق ماله عندنا أيّ عنوان
والكذبة ينال الشكر من كذبها
من قبل لا ننقص فكر ننقص إيمان
وأزماتنا يبلش بها اللي حسبها

*أزمة صبر وأزمة ثقة وأزمة إحسان
وأزمة لحى ما عاد يكرم شنبها
نقول حنّا أخوان وأحباب وأعوان
واحنا اشتعال النار واحنا حطبها
يا ناس قلبي من غثاء الوقت تعبان
وجلودكم ما عاد يبرى جربها
خلوني بروحي ترى حلمي إنسان
يشرب من الوحدة ويأكل رطبها




lllllllllllllllllllllllllll


*يارب يارب يا معبود وش جاني
لو زان وقتي دقائق شانت أحواله
أعيش حالة ضياع وكبت وآعاني
والقلب ينزف جروح وحالته حاله
البارح الحزن سولفني وغنّاني
وعلى تراتيل آهاتي جرّ مواله
يسريبي الضيق يوم الصمت سرّاني
على دروب الشقاء بخطوات مختالة

*الهم والغم والأحزان عنواني
والجرح شيّد بعرش الروح منزاله
عطشان فرحة ودمع عيوني أرواني
والليل خرمان يشرب عمري بيالة
يموت كل الكلام بطارف لساني
وشلون أفضفض بقلبن ماتت آماله
أغلى ضيوفي رسالة نصفي الثاني
الموت الأحمر قريته داخل رسالة

*أصدق جروحي تقهوى دمّ شرياني
والعمر فاله وراحة عمري عقاله
الصبر سافر مع أصحابه وخلاّني
كل ما تمسّكت به خانت بي حباله
مات الأمل في ظلام اليأس وأعماني
والموت صدر الحزين المختنق شاله
حزني عميق بوجيه النّاس عرّاني
لو ودي أخفيه يصفقني على جاله

*من صغري الحزن يكتبني ويقراني
ما كني إلا الوحيد اللي على باله
لو غاب عني دقائق صعب ينساني
نبقى حبايب وهو خالي وأنا خاله
يومن ورى يوم وأنا يزيد حرماني
والوقت رجال خائن زايد إهماله
أكتب وأنا الدمع يحفر محجر أعياني
والقلب ينبض ألم والحال يرثاله

*تعبت أعيش الحياة هموم وأحزاني
وش حيلتي والعمر ماشي على فاله
يا قلب طالبك لا تبكي على شأني
والحظ ما يوم عمرك ذاق فنجاله
تحطّم الروح صعب يعمّر آماني
والحلم شيخ ٍ كبير وماتوا عياله
من أمس وأنا أطلب الله يتوفاني
إن كان بالموت حالة غير هالحالة

جُمانه أسمي والمهابه مكاني وقمة شموخي فوق نجم الثريا

الحزن يقصر مسافات الدهر مارحم قلبٍ غدى حاله عسير
المفارق جرح ودموعي نهر والمواجع حطمت قلبٍ كسير
الخواطر كسرها .. ماينجبر والليال السود ماترحم فقير
ياقمر ذكرتني بطلعة قمر لا ظهر نورك ترى شوفه بشير


نبضة حزن . همسة غلا . ديمة هيام أحساس مدري بالشعـر كيف أقوله
أنا هدير الموج في ساحل الخوف فكري سفينه والمؤاني قصايد
لي بالشعـر بصمة ولي أسم معـروف ولبست حروفي من قصيدي قلايد

كُلّمــا اشتقــت لــك وضعــت يــدي على قلبــي.

لأنّـــهُ المكــان الوحيد الــذي اثــق وجـــودك فيـــه ..
وعنــدما اسمـــع دقاتـــه أتاكـــد أنـــّك بخيـــر لانــه لا ينبــض بدونــك

شُعُوْريْ,,لآ,,~ يُوصَفْ,,}

ع’ــنْدَمَــآ,,{تَضَعُ,يَديكـْ,,حَولَ,,"عُ ـنُقِـ’ـي"}|~


وَ لكِنْ,,لَنْ,,تَسْمَعْ,,كَلِمَةْ,,{|أحُبِّكـْ |} ,,~

مِنْ,,شَفَتّــآيْ,,}~

فَــأنَــآ,,أنْثَى,,{{وبِطَبْعِي,,الـًخَجَل ..ْ~

فَــآنْتَظِرْن’ـي,,ْ~
......... فَــآنْتَظِرْن’ـي,,ْ~
.............. فَــآنْتَظِرْن’ـي,,ْ~
.............. فَــآنْتَظِرْن’ـي,,ْ~

لـآ تسـأليني ششـ فيني !!!


كـِل ماشفت هالناس {تطالع عيونك ~
ودي أغطي وجهـِك بـ يديني !

ڪلْ مَآآآ / آشتَـقتْ ۈ قلِبيْ وَجعِنًيْ


.. { نمَت لَ آجلْ مَ آ أحنّ لَہ أڪثرٍ