ديوااان الشاعر ســــــلطان زمـــانه

أن قلت احبك أكون غلطان

انا والله اموت فيكـ


ما لقت مثلك في خالق الانسان

أنت ملاك وربي مخليك


صاغك أجمل هيئه عالم الأكوان

وأجمل الاوصاف هو معطيك


لا تعتقد بيوم افكر انا النسيان

ولا تعتقد اني اقدر اجافيك


أنت أجمل ورده بوسط بستان

وشلون اقدر ابعد وخليك


أن غبت لحظه أكون ولهان

ودور عذر عشان ارضيك


أنت القصيد وأنت فيها العنوان

وننهي الروايه وايدي بأيديك

ودى أجيلك ومتردد من أسبوع
ودى ولكن خايف(ن) كيف ردك



أخاف تحسب جيتى لك بـها خضوع
وتزيد فى كبرك من الغيظ هدك



ما أكذب عليك أن قلت لك منك مفجوع
يــا قــو باسك كيف طــولت صــدك



يلوع بى همى.. وأناديك.. ويلوع
قلبى سبايب ما جنيته بيدك



وش فايدة صوتى أذا القلب منزوع
والمشكله مانى على جال حدك



غصب(ن) نقلت الجرح ماهو على طوع
وأصبحت ندك .! كيف أنا أصبحت ندك؟



ياسيدى مانى على الورد مدفوع
لا صار ما تاوى لمنهو يودك



ولا صار مغوينك حواسيد وربوع
ما طاب شئ(ن) فى هواهم يشدك



أسقيت زرع الصد وأنبت له فروع
وحطيت راحة يدك من تحت خدك



وخليت عذال الهواء تدفن الجوع
فينى وتروا من مشاريب عدك



مدخلك بالله لا يقولون مخدوع
أرفق عساها ذكرياتى تردك



وأن كانت الرده مثل حبت الكوع !!
الله حسيبك والليالى.. تضدك

ياهيه تعالي واسمعي معنـى الابيـات××خلي المغازل عن يـدك واسمعينـي
وش فيك وش علمك علينا سلامات ..؟××تبطين لو قصدك تـرى تكسرينـي ..
مابيني وبينك سـوى معرفـة شـات××ماهـو بحقـك بالاهانـه تجيـنـي!!
يومك مع غيري سوالـف وضحكـات××لا تحسبيـن انـك كـذا تقهريـنـي
مـن هاننـي بعتـه بعشـرة ريـالات××واقـول حــد الله بيـنـه وبيـنـي
ومن جانـي بزلـه اجازيـه بسكـات××ماهمنـي لـو كـان قلـبـه يبيـنـي
ومن كان مثلـك ماعليهـا حسافـات××دايـم مـع هــذا وهــذا تليـنـي
والله لـو انــك مــلاك البنـيـات××ماهمنـي بالبنـت شكلـن وزيـنـي
ياخاينـه ياكثـر غـيـرك وفـيـات××بكـره تبـي تشوفيـن وتصدقيـنـي
مانـي بلعبـه تاخذيـنـي ونـاسـات ××ياكثـرهـم شــرواك بتحصليـنـي
ليتك عرفتـي طبعـي مـن البدايـات××قد قلت لك مارضى الاهانـه افهمينـي
والحيـن روحـي لعنبوهـا علاقـات ×× يابنـت روحـي وابعـدي فارقيـنـي
ماهمنـي رايـك ولـو بـه شهـادات×× يكفييني بس اني كبيرن بعينـي....!!.

الا يا بحر جاوبني وش اخر هذي الاحزان..؟؟!!

--------------------------------------------------------------------------------




انا يا بحر ما جيتك فضى ولمشاهدك شفقان
انا جيتك ابنسى وبعض الهم يباريني

على جالك انا جالس اسامر موجك الغضبان
اسولف له عن اوجاعي وعناي وغربة سنيني

علامك يا بحر غاضب علامك تصرخ بكتمان
انا جيتك ابشكي لك وابي منك تواسيني

انا مثلك بحر لكن وسط نفسي انا غرقان
تعبت ابحر مع نفسي واسالها انا ويني

انا محتار في وصفي ومع نفسي انا حيران
انا لا قادر افهمها وهي تجهل مضاميني

انا مليت من حزني وتعبت ابحث عن السلوان
ولا ضنيت به شي عن احزاني يسليني

احس ان الحزن عالم بحوره وصحوه ووديان
تخيل يا بحر حجمه اذا حجمه سكن فيني

تصور لو شقا الدنيا تجمع في كيان انسان
تصدق ما بقى بالكون اسى مابات في عيني

ترا كل الحزن لو غاب وراح لاخر الاوطان
يغيب ويرتحل لحظات ويرجع يستقر فيني

انا اخر فصول الحزن وانا لدروبه العنوان
وانا اخر عزوفاته واصواته تغنيني

انا والليل والغربه تعانقنا مثل الاخوان
ليلي كل اهاتي وللغربه عناويني

تعبت اسقي ثرى احلامي وازرع بالوهم بستان
تعبت ولا نبت زرعي وتعبت وجفت يساتيني

جحدني حظي العاثر رماني بسكة الحرمان
جحدني ولا مره على الفرحه يرسيني

الا يا بحر جاوبني وش اخر هذه الاحزان
وش اخر رحلة اوجاعي وعناي وغربة سنيني

يواسيني وانا الميت وحالي يجبر الدمعات


تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات


يجبروني عشان امشي ورجلي ما تمشيني


قتلت رعايتي بيدي قتلت الحب والرحمات


حرمت النفس من حقها وانا ابكيها وتبكيني


وكنه حلم قدامي يقيدني من الصرخات


ابي اصحى ولكني عجزت القى ال يصحيني


فداك القلب يايمه ومهما قلت من كلمات


صغيره في كبر حقك بس اتمنى تعذريني


نهبت الفرح من بيتي صحيح اني خسيس الذات


صحيح اني ولد طايش وكل ما أسمعه فيني


تجول عيونهم فيني تفصل مني قياسات


وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة


وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات


وصار الهم عكازي اباكيه ويباكيني


عطيتيني بدون حساب ولا سمعتك تقولي هات


وانا اشرب حيل من دمك ودمك ما يكفيني


يايمه ارجعي كافي ابجلس معك لو لحظات


واقبل ايدك ورجلك وافرش لك رمش عيني


يايمه ما تحملهم يقولوا فات ما قد مات


تعالي غيري هالقول واطيعك باقي سنيني


واترك عادة التدخين وانفذ ما تبي بسكات


واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات


ابيك انتي ولا غيرك على موتك تعزيني


وضميني وداويني مثل ما كانت الهقوات


ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات


انا مقوى ابكيك اذا انتي تبكيني

كــفايه زـــعل.,

--------------------------------------------------------------------------------



كفاية زعلنا طوّل حبيبي حنّ لي شوي
تراني من بعد زعلك أنا دنياي ما بيها
تراها دنيتي ظلمة بدونك لا سنا لا ضيّ
بدونك منهو يا عمري حياتي منهو يضويها
حبيبي كلما تطري احس قلبي يصيبه شيّ
و أشوف طيوفك بعيني تجيني قبل ما أطريها
حياتي كلها لجلك وحبك يا الغلا لي فيّ
وروحي بالرضا جاتك لأنك أنت غاليها
كفاية يا بعد عمري كواني هالمفارق كيّ
جروحي زادت بقلبي وقربك بس يشفيها
كأني روضةٍ عطشى وحبك نبعها والريّ
زهرها جفت أوراقه متى ترجع وترويها
تعال نعيد ذكرانا ونطوي هالمفارق طيّ
تعال نجدد الذكرى بأسم الحب نحييها
كفاية يا بعد قلبي طلبتك حنّ لي شوي
تراني عفت هالدنيا لأنك أنت موفيها
للمزيد من مواضيعي


خاص لي انسانه من الماضي البعيد

تبي تنساني؟ / انساني .../ فداكـ اللي مضى كله !!!

--------------------------------------------------------------------------------



تبي تنساني؟ / انساني .../ فداكـ اللي مضى كله !!!


تراني كنت متوقـع تصـدق هـرج خلـق الله
ولكن مـا توقعتـك تسولـف بـي لعذالـك!!

تبي تنساني؟ / إنساني /.. فداك اللي مضـى كلـه
يجوز أحيا من فراقك مدامي ميِت بوصالـك !!


ترى ما يجحد الواقع سوى خـلٍ نسـى خلـه
مثل ما تجحد عيونـي حنيـنٍ حيـل يظما لـك


مع أني عارف ما أحدٍ يـداوي غيـرك العلـه
أسج بحالي لحالي لجل مـا ينبـري حالـك!!


وأكابر من خطا نفسي وأزيـد الجـرح و أبلـه
وأتحاول في عبث مضحك أدور غير همالـك


حبيبي حتى لو زولي من غيابـك فقـد ظلـه
كفاية شمسك اليا اليوم تنسـج حولـي ظلالـك


تبيني / اعتذر /؟ ( آسف )،لكن وش هـي الزلـه ؟؟
تبيني أجرحك؟ حاضر أنا همـك وغربالـك


مدام أني سبـب دمـع حزيـن ناظـرك هلـه
فعساني يا بعد عيني اجل ما اطري على بالك !!


وإذا قالوا لك إن قلبي من فراقك نـزف غلـه
قل إن: مابه بلا ! عسـى درب السعـد فالـك


وأنـا والله وثـم والله وثـم والله وثــم والله
لا سوي ما تبي من شان بـس تحقـق آمالـك


ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك!!

لاقلت ( أحبك) لاتصرف الموضوع ...

--------------------------------------------------------------------------------



اقول احبكـ ياهوى البال واغليكـ...



وتقول بمشي!بس بعدين اقابلكـ..



وان قلت لكـ بدري عسى الله يهاديكـ....
كنكـ تقول احسن من اني اجاملكـ!

با الله علمني؟اناكيف اجازيكـ؟؟
ابغى اهتمامكـ لي والقى تجاهلكـ..


وش ذنبي ؟اني صرت متعلق فيك..
ارسل لكـ اشواقي وتقطع رسايلكـ..


وش حيلتي؟؟لاصرت كلي احاتيكـ...
اعاملكـ با الطيب وكره تعاملكـ...


اقل حاجه,حس في اللي مغليكـ...
اسأ لني وشلوني؟كثر ما اسأ لكـ...

بيع اللي باعكـ وعود لشاريكـ!
وبادلني في حبكـ مثل ما ابادلكـ...


وان قلت لكـ أحبكـ وانت تسمع بذا***ـ؟
لاتصرف الموضوع واحسن تعاملكـ...


اطلب لكـ مني على طول البيكـ!
شفني شسوي يوم تشر بناملكـ....


تدري لو أنكـ قلت دهرين واجيك؟



اقضي سنيني وشوقي ناطرمواصلكـ..

يعني نصيحه عاشقكـ اغسل يديكـ...
ابقى احبكـ غصب مانـي محايلكـ!
وأن كان قصدكـ من فعايلكـ أجافيكـ؟
تبطي ولا أنسى حضرتكـ وأتجاهلكـ...

فزعه الموت

--------------------------------------------------------------------------------



يالله ياللي تفقر وتغني ابيوت
الارض بأمرك داخل الكون تسبح
ادعيك تغفر لي قبل حزة الموت
مؤمن قبل يدعيك بأسماك سبح
في هالزمن ماعاد به شي مثبوت
نمسي ولا ندري على ويش نصبح
بس الوكاد ان وجه الايام طاغوت
لا زان يوم اعرف ترى الجاي اقبح
والصدر له مده من الضيق مغموت
في داخله كن سيد الضيق طبح
ضيعت عمري افهق الموج للحوت
وانا ادري ان الحوت في الموج يسبح
اما انت ياللي تنطح الصوت في الصوت
الذيب يعوي وانت يا ***** تنبح
ماينحني راسي واسم عبس منحوت
في قلوبنا تجارة الموت مربح
الشيخه ماهي لبس جاكيت وبشوت
وماكل رجالن على الطيب يشبح
شفني وشف ربعي رشايدتي الموت
حتى ورى السودان نصلخ ونذبح
عدونا يبشر بطعنات جالوت
من الدم يلقا الذيب والطير مسبح
وخوينا ماهي انتخابات كم صوت
هيّن لو انه خاسر سنين يربح
لا والله الا فزعت الموت للموت
ياننذبح من دون عزه يانذبح
للمزيد من مواضيعي

آح ــســ؛ــآس هـ؛ـآجـ~ــس ,,,!!!

--------------------------------------------------------------------------------



عهد خذيته بسالف الوقت وعهود
اني لاتمم صادق الوعد واوفيه

هامت بي الدنيا وانا لين العود
ودفنت جرح راح ماعدت ابغيه

وفيت معهم وجازوا الحب بصدود
ونسيتهم والجرح مانيب ناسيه

دام الغلا من صادق الود محدود
ودام الخيانه دربهم صدق مابيه

جازيتهم بالطيب وبالغدر مردود
واللي يبيع الود مانيب شاريه

راس الغلا فيني انا طلع منضود
وراس الخيانه ماكنه فيهم اثريه

حالي بسيط بجعبتي باقة ورود
واحساس هاجس ينتشي ثم يسقيه

دواك بلسم مايبي حكم وشهود
مثلك اكيد ومثلك اليوم نشريه

اهلا هلابك ياعهد ومني عهود
اني لاتم العهد بالعهد واغليه

ثارت مشاعر خافقي منك بودود
وان كنت قاصر اسمحه ثم اعفيه

رهفة خفوقك تجزي الجود بالجود
والعمر زايل اذبحه ثم احييه