العشق لا يتوقف وليس له قياس

.........

ما اقول لك إلا عسى الله يعينــك

على دعاوي دمعتي بأخر الليــل


ابكي قهر واقول ياحـــظ عينــك

ماهزها بعدي وانا انهد بي الحيل

ارحل بصمت بدون توديع وازعاج

مادامها فرقـــــا بلاش انتواجـــــــه


مافيه داعي للمذلـــــه والاحــــراج

والموقف اللي مالنــــا فيه حاجــــه

أدري أنك صرت ضمن المستحيل بس قلبي رغم بعدك ما نساك

وادري اني منك ضيعت الدليل والسبب لا شك هو كثرة غلاك

وادري اني من سبب بعدك مريض الله اكبر صار حبك لي هلاك

وادري اني ممكن القى لك بديل بس وين اللي يساويك بغلاك

شفني علشان حبـك قفلـت بيبانـي
من دون منهو بغاني وباغي قربـي
والا أنت دايـم تغيــــب وتنسانـي
كنك ماشلت من الذنوب إلا انا وحبي
واليا بغيت أنساك وأدله مـع ثانـي
لقيت زولك مثبت في وسـط قلبـي

من غير لاشوفك ولاعرف الاسباب
رحلت واحساسك هو اللي بقالـي
احيان اقول اني بالاحساس كـذاب
واحيان من قلبي اقول انت غالـي
البارحه صوتي تناهيـت واعتـاب
ابطيت اناديلـك واثرنـي لحالـي
ماعافك الخاطر ولا خاطري طـاب
وياكثر ماتجـرح وماضـاق بالـي

كل مامديـت وصلـي تجازينـي صـدود
واتعذر عنك وأقول مدري وش جـرى؟؟
ماطرالي غير حبك وأنـا مانـي جحـود
وأنت مدري وش طرالك لكن اللي طـرى
بيت حب مـس حبلـه وشيـده العمـود
ولك خفوقي فرش والصدر وضلوعه ذرى
مستلـم صـك المشاعـر وثبـت القيـود
وانقطع قلبي وصدري من الشـوق انفـرا
دايم تخطي وأسامحـك مـن قلـب ودود
وأدمح الغلطه ليا جـات كـن محـد درى
أتغاضـى عنـك لكـن تعديـت الحـدود
ويش أسوي معك والصد والهجر جهـرا
كل ماظنيت بك ظـن يرقـى بـك سنـود
وانـت ظنـي فيـك قـدام وتعـود ورى
لامتى وأنـا أترجـا الوعايـد والعهـود
لا تشـالا الجـرح الأول تبيعـه مابـرى
وانت توعدني وتقفـي وتخلـف بالوعـود
والمولع بإنتظـارك سـرى ليلـه سـرى

لاشفت داره كن ودي انا جيــــــــــه 00 وكني باشوفه حول ذيك الحــــراوي

ازعج أبصوتن حاشر الصدر حاديه 00 واقنب كما يقنب معا الصبح عـاوي

وفيضت مكنون من الخلق مخفيـــه 00 في معزل مع همومي خــــــــــلاوي

ياحي قاعن قدوطتها خطاويــــــــــه 00 لوهي علي قلبي تزيد البـــــــــلاوي

ياليت موته صاد غيره ومخطيـــــه 00 غيره حياته والممات امتســـــــاوي

ماعاد عقبه شي من الزين نبقيــه 00 العز وللا ولا بقاا إلالهــــــــــــــاوي

الله علم من وقتنا ويش تاليــــــــه 00 ولاعلي غير الولي لي شكــــــــاوي

اللي خذت الأيام ماعاد تعطيـــــــه 00 واللي ومن غدرالمقادير غـــــــاوي

لو اضحكتله يومن باكر تبكيــــــه 00 والربح من خسرانهامايســــــــاوي

ترزله رخو الشبك لين ترميــــــه 00 ولاصادته ماعاد ترحم وتـــــــــاوي

وهل غير الحبيب به تتغنى الأشجان
وبه يهفو القلب للقياه
والروح تزمجر وتتشوق للعناق
هو الحبيب عندما يتشاق للحبيبه
ويعزف الحرف الأخاذ ع انامل السطور
ويذرف دمع الشوق والهيام

..........