رشــة شعر .. لمن تهديها .. ؟

لـــو ان قـربــك والـوصــل بالـتـمـنـي
ماغـبـت عــن عيـنـي كـثـر ماتـمـنـاك

خـايـف يـطـول البـعـد وتـســج مـنــي
وياخذ مكانك شخـص ماهـوب يسـواك

وش عـاد اسـوي يومـك اقفيـت عنـي
لاانـا اتبـع المقـفـي ولا احــب فـرقـاك

دونك الدنيا قلي وش تكون
وش حلاها غير شوفتك بسلام
يشهد الله مسكنك وسط العيون
وانك أول من صحى فيها ونام

وشيقول اللي تعود يلتقيك..
يوم عمره ما لقى عقبك غلا..
ما قدر في بعدك إلايحتريك..
وما عرف في غيبتك غير الولا..
كم تمنى بالوفا لو يحتويك..
في خفوق بأصدق الود امتلا..
لو بيديه بس لو يقدر يجيك..
ما يحول الوقت دونه والملا

غـــلاك عنــــدي ، مايـقدر بالأثمان
مليار في مليـــــون لو يضربونــــه
ولو يقسمون الثلث للأنس والجان
تتعب أصابعهم ولا يحسبونـــــــه

أنا القصيد اللي يبادلك الأشواق
وأنا الحروف اللـي تنـاثر عشانك
لأنك غلاي وكلك أشواق بـ أشواق
لا ھنت ياشوقٍ ولا الوقت ھانك

سبحان من بيده سبع السماوات
خلا عيونك شمس ورموشك الفي
كتبت فيك ابيات وابيات وابيات
واليا لقيته قلت لا والله شوي
ميّت لكن ماني ضمن الاموات
ميّت بحبك واتشوفني حي

لـو الغلا والحب يوزن بميزان
ماأظن يوزن بالموازين حبي
وإن كان به إنسان يموت بإنسان
احيا واموت بشوف زولك وربي
’وإن كان غيري يرسم اشكال وألوان
انا رسمتك في شرايين قلبي

لبــى هـدب عينك ولبى شفاياك
و لبــى اهل بيتك وجيران بيتك
ولبى الفرح لاصار يرسم محياك
ولبى البراءه في عيونك فديتك

بعض البشر اجمل من الشعر والبوح
واجمل من الوان الرسم والمعاني

وبعض البشر ترد في نبضك الروح
من تبتسم لك يبتدي عمر ثاني

يبقى لك المنزل علـى كل مــــــرقاب
و تبقى لك عيـــــــون الغلا مستديمه
يا غايتي واللي خلق رمش الأهداب
انك جديـد القلــب و انك قديمـه