هذيَآن . . !

أحيانا..!!
ننام ثم لا نرغب بالاستيقاظ لشدة حزننا
ونفضل الهروب من الواقع وأهله لنبقى أطول وقت خارج حدود الكون
وأحياناً نكون مستمتعين بالحياة
وبالوقت لدرجة تجعلنا نتهرب من النوم

هَبنِي قَدحاً منْ نُور أُضيء به السَّبيل
إلى الفِردوس يا وهَاب ♥

اللهم صل على محمد وعلى آله وصحبه أجمعين

أحبك

علم القوب عند رب القلوب
ربنا يعلم اللي في القلوب بنقولها احيانا لما بنجد صعوبه نعبر بيها عن اللي جوانا
يمكن لاننا انفسنا مش قادرين نفهم طبيعة المشاعر اللي جوانا دي ..
وبرضه بنقولها ساعات لو حسينا بنبرة الشك في الانسان اللي بنوصف له مشاعرنا تجاهه ..
واحيانا بتبقي وسيله للهروب من اننا نبوح بحقيقة مشاعرنا

دموووع
ليه ساعات كتير بنحس بدموع كتير جوانا خنقانا نفسها تنزل مش عارفين ليها سبب
او يمكن عندنا اسباب كتير للدموع بس احنا كنا عاملين نفسنا اننا مش واخدين بالنا
لكن في لحظه بيتجمع الحزن اللي جوانا علي شكل غمامه مستنيه المطر

ياريتني كنت طيير

دايما كنت بحلم يكون عندي جناحين احلق بيهم في السما ,
لكن دلوقتي بقيت احلم اسيب الارض كلها ,
معرفش اروح فين لكن المهم ابعد عن الارض
لاني بقيت احس اني مليش مكان فيها

كنت زمان وانا صغيرة بحلم الاقي مصباح علاء الدين واطلب منه يجبلي فلوس كتير اوي
يمكن اقدر احقق بيها السعاده لناس كتير اوي لكن لما كبرت لقيت ان الفلوس وحدها
مش هي اللي ممكن تحقق السعاده , السعاده صعبه اوي وممكن كمان تكون سهله اوي
احنا ممكن ندور كتير ومنلقهاش وممكن نكتشف انها حوالينا واحنا مكناش واخدين بالنا

حد مره سالني ازاي بنحس بالوحده واحنا حوالينا ناس كتير,
معرفتش ساعتها اجاوب علي السؤال
لاني برده كنت بدور علي اجابة لنفس السؤال
ولغاية دلوقتي ملقتيش اي اجابة