قطرات قلم من بقايا بوح القلب

لك خافق الي تحبه وعمره
ولك جناين اسقيها بدمي
سبحان من قلبي لك شرعه
فوق كل الغلا لك عمري

وينك ياطبيب كل الاوجاع
انت اللي وصفتك ضروري

لاحل طاريك ترجف الاضلاع
مسموح ياقلب طلع عن شوري

حبك داخل القلب له صروح
بس عيبه مزود لي احزاني

ايه حبك هيض بداخلي بوح
انوي الوصل وتجازيني بحرماني

تجافيـنـي ولا هـمـك ولا تحـسـب لــي أي حـسـاب
وانا من زود عشقي لك اصونك واحسـب حسابـك

لي معك هرجه و سواليف وعلوم مكتنزه
متى يصفى جوي وجوك وحاسبك بحكمه

من بالقلب غيري بين الضلوع مرتزه
تشرب من شراين قلبك وتنبض بالوريد بهمسه

قول عتابك وسواليف في قلبك مكتنزه
جوي صافي وقلبي وفكري لعتابك بحكمه

كيف تشوف خيالات غيرك في قلبي مرتزه
ماعاد في شرايين القلب نبضه وهمسه

ذكراك وهجرك ادمى القلب بكل حزه
حتى الشعر هالايام عجزت بعدك انظمه

ادمج الضحكه مع العبره سوا
مخفي احزاني عن عيونك تشوف

لارجا فايد ولاجوك صفا
لي متى ودنياي بين رجوى وخوف

ذا جزاء اللي دخل في بحر الهوى
تجرحه الامواج مثل جرح السيوف

عسى الله يفرج كربة اللي براه الشوق
اسير العيون السود مافي ايده حيله

عاتبيني كان حبي لك خطيه
وغلطتي بحبك اغلى الخطايا

ياوردتي مالي على صدك مقدريه
وين ماروح في قلبي انتي معايا

احبك والقمر يشهد
ونجم الليل ياروحي

احبك تشهدالدمعه
احبك تشهد جروحي

اريد لوعلى عمري
سيوف الحب مسلوله

اريد لو على صدري
عذابك وزع خيوله


غرامك صار عنواني
وانا قبلك بلاعنوان

غرامك في هجيري ضي
وفي ليلي قمر سهران

قضيت عمري وانا ازرع
حنانك كان لي منبع

ويوم زرعي بدا يطلع
جيت انت وقطعت الماي

قطعت الماي يامعود
وزرعي بعده ماورد

ويوم قلبي انا تعود
بدينا نختلف بالراي

وضاقت دنيتي فيني
ذبل وردي في بساتيني

شوف شلون ياعيني
خلي ماوفا وياي