ديوااان الشاعر ســــــلطان زمـــانه

ذكرى وفى


الوصل راح ولاني اليوم راجيه ====== والنظره ارسلها تعوِّد عليّه
مكسورتاً تشكي الزمان وتبلِّيه ====== من عقب ماهي بالمكانه علِيّه
يانفس جوزي جاير الوقت تاليه ====== هاك الزمان اقفى وشد المطيّه
مضنون عيني اليوم كثروغواليه ====== مكثور خيره كان رد التحيّه
ادري زمانه ماحسب دورماضيه ====== وادري الظروف اللي تحده قويّه
واللي مضاله من لياليه كافيه ====== ذكرى وفى يوم الليالي وفيّه
ولو الوصل يبنى على كثر مغليه ====== ماله عن عيوني والاشواق نيّه
ماله مدى لو يبعد الشوق ياتيه ====== لويرحل عن العين يسكن هنيه
واللي وفى يستاهل الناس توفيه ====== حقه ولو تجزع نفوساً عصيه
الوصل مات ومات كل الرجا فيه ====== والعشق حي وكل الاشواق حيه
واليوم انا من غالي الوصل معفيه ====== لو كان روحي للملاقا شفيه
جاه العفو مني لاجل عين ترجيه ====== وانا قدير الله يعوض عليه

لا تعتذر ذي غلطتي يوم حبيتك


لا تعتذر ذي غلطتي يوم حبيتك

الله ولا حب على الذل يحداني

خيبت ظني فيك ياما ترجيتك

حطمت قلبي حسبك الله يالجاني.

أحسبك لا من جيت تفرش لنا بيتك

واليوم أشوفك صار همك تحداني

ياما احتملت اللوم دونك وداريتك

حتى خطاك أرفاه وأسترك بارداني.

رفعت عند الناس لأجل الهوى صيتك

خلّدت يالمغمور ذكرك بالالحاني

كم غاليٍ ضحيت بارضاه وأرضيتك

وسهرت لك ترتاح في نومك الهاني.


ومنين مالقيت وجهي تمنيتك

وأحسبك مثلي في غيابي تمناني

أنا احمد الله بان عيبك وخليتك

وطيت حبك بالقدم قبل ياطاني.

تغيـْــــب.. وأنتظــــر.. واملــــى عيــونـــــي بالبكــــى واشتـــاق

واسولــــف للغيــــــــاب اســــــرار جرحــــي ليـــــن يَبْكِينـــــي


تناهيــــــــد.. ومواجـــــــع غيبتــــــك ماتــــت بـهــــا الاعمـــاق

تجـــــي واحيـــــــا.. ويحيـــــا خنجـــــرك مابيــــن ضلعينــــــي


تجـــــي ساكــــت.. وترحــــل ماحكيــــت.. اشفيــــك ماتشتــــاق؟؟

وانا كنــــــت احْسِبَــــــك مـــن تاصــــــل لقاعـــــي تنادينــــــي


يبــــس قـــــاع الحنيـــــن مــــن السكـــــوت وجفّـــــت الاوراق

دخيــــلك قـلّــــــي إش صـــــــار بغيـــــابك ليــــــــه جافينــــي


قســـــم بالله احـــــس الكــــــون هــــــذا في سكوتــــك ضـــاق

واحــــس بشـــــي لاجيـــــــت اوصفـــــه ماعـــــــاد يمدينـــــي


ارتّـــــب لـــك يدينــــــي بالحنيــــــن وضمّتيــــــن عنـــــــــاق

وإلا جيــــــت ألمســــــك ماحــــس فينـــــي .. بـس وش فينــي


شعـــوري إيـــه مزعــج.. إيـــــه نـــازف.. إيـــــه ماينطـــــاق

ولكــــن وش شعـــــورك وانـــــت راجــــــع لاجـــــل تنهينـي؟؟


تبـــــي تـرحـــــل بَـعَـد! خــذ كـل شـوقـــك جعـــل ماتنعـــــاق

ورح يــــــم السنيـــــــن اللــي خذتْــــــك مــــن اول سنينـــــي


دقيقــــــه.. بــــس كــــان الوقــــت يسمــــح لك بــدون إرهـاق

بقــــى عنــــدي ســـؤال(ن) لـــــح بيــــن شفــــاهي وبينـــــــي


امانـــــه ليــــــه جيـــــت مـــــن الغيـــــــاب تبشّـــــر الآفـــاق

ويـــــوم إنــــــي حيـيـت بجيّتــــــــك تقطــــــــع شرايينـــــــي !

من ييأس من رحمة الله لم يحسن الظن به
فأحسنوا الظن
{ إنَّ مَعَ العُسْرِ يُسْراً }

ويقولون :



يقولـون لـي ضاقـت وانـا اقـول مفروجـه
وعــنــدي يـقـيــن إن الله الــلــي يـفـرجـهـا
خيول الأمل عندي على طول مسروجه
ونفـسـي تفـاؤلـهـا مـــع الـنــاس يبهـجـهـا
لو ان الزمن قاسي والاوضاع محروجـه
عـســى الله علـيـنـا مايـضـيـق مخـارجـهـا
لقيت الصبر ينفـع مـع الضيـق منتوجـه
ابـاصـبــر عـلـيـهــا بـالـمـسـايـر وادرجــهـــا
وبـانـهـج دروب دوم بـالـطـيـب مـنـهـوجـه
دروب النشامى اللي على العز منهجها
أداريـــك يـاراســي عـــن الـمـيـل والـعـوجـه
مـاابـي الـنـاس لاشافـتـك تكـثـر لجالجـهـا
ياراسـي تسامـى واتـرك الـلاش وهـروجـه
مـادام انـك دروب الفخـر تسـلـك ابلجـهـا
فضـا الله وسـع لسالكـه واسـلـك فجـوجـه
هـو اللـي لخـيـر الخـلـق سـهـل معارجـهـا
أنـــا خــابــرك مـاتـقـبـل عــلــوم مـمـجـوجـه
تـنـقــى خــيــار الـسـالـفـه قــبـــل تـهـرجـهــا
تـوكـل عـلـى ربـــك والاوضـــاع مـفـروجـه
هــو الـلـي يضيـقـهـا هـــو الـلــي يفـرجـهـا

امي غلاها في حشى القلب موجود
من الله خلقني وحطني في حشاها

اللي بحضنة ريحة المسك والعود
ارجي من الله لايحرمني دعاها

الله يحفظ اللي عن الغير بة زود
اللي لبنها يشرقك من حلاها

اللي رضاها من رضى كامل الجود
ويبشر بجنة من سعى في رضاها

ويشهد علي الله واعبادة شهود
انة غذاء روحي وللعين ماها

اللي احبة حب مايعرف حدود
تروح روحي وما املك فداها

ويا الله يامولاي ياخير معبود
يامنشي ثقال السحاب بسماها

تحسن اختامة قادرن منت مردود
وانك بجناتك تعلي>> بناها ..؟

هذه الدنيآ غرببه كل من فيهآ بكآء
ان تلآقينآ بكينآ وان تفارقنآ بكآ

ان عطينآهآ وفآنآ مدت يديها بجفآ
وان تحملنآ عنآهآ واجهتنآ بالفدآ

كل ما وجه ابتسم لي صكت ابوآب الهنا
وكل مآ شمس اشرقت لِي احجبت عني سنآ

كنت اقول انهآ عظيمه حطمت فيني الرجآء
اكسرت فيني امآني غيرت كلمة انآ

غربتنآ بعثرتنآ رجعتنآ للورآء
بدلت كل المشآعر البريئه بالأسآ

سلمتنآ للمهآلك واهجرتنآ في عنآ
اتركتنآ في منآهآ وكل يحصد مآ جنآ

خيبيت فينآ ظنون نزلتنآ من سمآ
ارفعتنآ للمعآلي وصرخت لا لا كفى

احرمتنآ من وجيه شوفهآ كله منى
واخذتهم في ثوآني ومهلتنآ للهنآ

يآ غريبه يآ عجيبه ليه سويتي كذآ
تسرقيني من هونآ وتنشرينآ في الفضآء

ياصديقه ياعدوه اتركينآ في هنآ
تزرعين الشر فينآ وخيرنا ماهو لنآ

فديتك ياهوى نفسي مع الشدات
خاويني
فديتك لاقسى وقتي علي وناحت أشجاني

أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني

أبيك البلسم لجرحي وأبيك النوم في عيني
وأبيك اللي ليامني صحيت ألقاه بأحضاني

طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني

سألتك بالله الواااالي سألتك لاتجافيني
لأني أمووووت بغيابك ياروحي وجثماني

معي واصل مشاويرك أواسيك وتواسيني
معي إبقى مثل ظلي حذااااري لاتعداني

أبي منك الوعد إنك على غيري تبديني
وأنا هذا وعد مني ماأبيعك وأشري الثاني

وإذا بلسانك الصادق نطقت وقلت تغليني
أنا بأعلن خبر عاااااجل تعالوا إقروا إعلاني

أبكتب داخل الإعلان إلى من صار يغليني
إلى قلبي إلى عمري إلى من صار يهواني

إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني

وأبكتب داخل الإعلان وصيه كان شاريني
معي بالطيب عاملني ولاتجرح بهجراني

ومهما تقسي الدنيا علينا لاتعاديني
ولاتسعى أبد في يوم في عندي وعصياني

أبيك دكتور لآلامي من أحزاني تداويني
وأبي لاكفت أبصاري تكون النور لأعياني

وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني

وبعد ماأكون في قبري تذكرني وتبكيني
وأكون حزن على بالك ماتغفل وتنساني

أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني

وتجاوبهم إني حي وبالأضلاع تخفيني
وإني سلوة الخاطر معك لاصرت وحداني

أبيك تقول هو مامات أحاكيه ويحاكيني
أبيك تقول هو موجود وخبيته بوجداني
أبيك تقول هو دمي اللي في شراييني
لأنك دمي اللي كان يضخه عرق شرياني

وأبي لازادت جراحك تخيلني وتناديني
وتفتش داخل شعورك وتهمسلي وتلقاني

وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني

ترى لو للقصيد عيووون والله ماتقديني
لأني للقصيد عيون وإسمك رمز ديواني

وترى لو للحروف أهداب تعجز لاتغطيني
لأني للحروف إيحا ووحيك سر لإذعاني

تداركت الزمن يمك الا ياليت يمديني
أخاف أجيك متأخر وسيف الوقت ياطاني

نسيت من أجلك الصادق اللي الروح يعطيني
ونسيت الأول والآخر والقاصي مع الداني

وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني

كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني

كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني

تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني

ودنيا' مابها حسك ماأبيها وعمرنا فاني:
انا سميتك الدنيا انت وش تسميني :$

محتآج روحي تنآم على صدرك وصدرك فيـه كل نآسي وخلآإني


م)ـدخل ~

وحـيــد جـآلس لحـآلي ولآ عـندي آبد عـنوآن ،،
لآ مرجـع و لآ منبع كنِّي عـن آلكون ذآ غـآفي ،،

،،

مخ ـآوي دفتري و آحـيآن عـلى نجـمة سهيل سهرآن ,,
آنآجـي روحـي بروحـي و هوجـآس فكري آلمتخـآفي ،،

،،





صـبآح / مسـآء ..تـســكنه أمـوآج مزآجـــكم..
بــبنفـسج الحـرف وطـقــوس عذوبة الأحزان..







يغيب الطيش وتغيب القـرى واودع الأحـلام
يغيب الشعر ف غيابه نسيت وعـود خلانـي

يقولون السفر وين السفر من حلـة الأوهـام
وانا أغيب اتشظا والجمر رمد علـى اجفانـي

ذكرت اللي يساورها اليقين بحرقـة الانسـام
هي اصدق من لمس هالحزن لا غيب بوجداني

يمر هذا الشقاء في غيابها والعام يتلاء العـام
وانا لا جيت ابنسى شفتها في نظرة اخوانـي

اخيل افراحهم اشباح تركض لي بدون اقـدام
تلبسني وانا مالي سـوى طعنـات حرمانـي

خلا من طيبها بيتن نما مـن شوفـة الارحـام
خلا هذا الفضا من حسها من صوت جيرانـي

خذت هالناس من راحت ولا باقي سوى الايام
اشب فيها الدعـاء يالله ثبتنـي علـى ايمانـي

تطهـر روح لامـرت وتركـع لله الـعـلام
اللين ادفاء على جال الحنين وتذبـل احزانـي

بكى طفل وتنهد شايبين لاهـو بكـى مانـلام
وبكيتك بس انا وشلون بعدك ينطـق اللسانـي

سنين الراحلين احسابهـا ماينحسـب بارقـام
متى سال الخفوق بشوقهم وشلون اب القانـي

ابكتب سيرتك واخـاف يمـه كذبـة الاقـلام
وانا لامن بغيت اسج عنـك يخـون نسيانـي

تعرى الحال طحت من العنا محتاج روحي تنام
على صدرك وصدرك فيه كل ناسي وخلانـي

يغيب الشعر وتغيب القـرى واودع الاحـلام
اذا كان المقام اكبـر مـن احزانـي وقيفانـي





~ (م)ـخرج



هآرب و يطردني سرآب آلهجـر وآلنسيآن ,,
لبست آلخـوف لكني عـلى آلآقدآم آنآ حـآفي ،،

،،

سآفرت من ديرة لديرة آدور للع ـنى آوطآن ,,
آشكي لمين معـآنآتي و آبدي له بآوصــآفي ،

ياسيد الورد .. مالـك نيـةٍ بالرجـوع=ادموع عينـي علـى فرقـاك هليتهـا
فرقاك طفا بعيني مابقى مـن شمـوع=وايامي من بعد زولـك ينهـدم بيتهـا
شهر اربعه يوم خمسه حد ليل الربـوع=الليلـه الـي بعـمـري ماتمنيتـهـآ
ماني بذاكر سوى ان القلب منها يلـوع=يوم إن رجلك علـى فرقـاي مشيتهـا
بدلة قلبك وانا قلبـي لعينـك جـزوع=لا واخسـارة ليـال ٍ معـك قضيتهـاا
قال القناعه فراقي قلـت مانـي قنـوع=وشلون أبقنـع ونـارك بـي شبيتهـاا
جداي عقبك اجر الصوت واضمى واجوع=بانت موار الشقـى لـو كنـت خبيتهـا
فالنفس حسره وعيني ماتكف الدمـوع=وسيوف هجرك بوسط القلـب سليتهـاا
شربت كاس العناا من كل شكلٍ ونـوع=وخاويت الآمال مـع طيفـك ومليتهـاا
ومع كل هذا وانا مشتاق من دون طوع=كلماتك الـي فـي بالـي ماتناسيتهـاا
وشلون راع الهوى غير طبوع بطبـوع=أثـر الليالـي تقلـب لـو تحديتـهـاا
جيتك وحبّك سكن داخل حنايا الضلـوع=يوم أنـي كحلتهـا اخطيـت واعميتهـا
ابغيك ياالي لك الخفاق دونـك جـزوع=يالـي عيونـك مـع المقفيـن لديتهـا
اشوف طيفك وشوقي يم طيفك هـزوع=وانته ولا جا في بالـك يـوم خليتهـا
سلمتك القلب ماضنيت طبعـك قطـوع=مديـت يمنـاك فـي غفلـه ورديتهـا
انا بكيتك رضى . ياكيف بكي الرجـوع=شاهد خواطـر غـلاك اليـوم غنيتهـا
ماكنت اصدق فراقك لين حان الربـوع=الليلـه الـي بعـمـري ماتمنيتـهـاا