تباطيت القصيد الا تباطيتك والشعر في جيتك شكل وطعم ثاني

تباطيت القصيد الا تباطيتك والشعر في جيتك شكل وطعم ثاني
عانك أقبلت ولمحتك في شطر بيتك فكره مجنونه اتسلى بضيقت أوزاني
يا أعذب أحساسا ملكني علك وليتك تفهم الشعر ان شربك بصحة لساني
يعلم الله في غيابك ما تناسيتك بس مره نويت انساك ممداني
قلت ابتسى وأرتفع صوتك ولبيتك وأثر خفاقي بصوتك عنك ناداني
وش اسوي دامني بالجوف ربيتك طفل تسوى بهالحياة في عين شرياني
تلعب وتكبر وتكب لين عديتك بالغلا آخر نماي وكل شي باني
والله ان عمري بدا من يوم حبيتك وأعرف انه ينتهي لو قلت تنساني
حط في بالك انا من عام خبيتك ان صحيت بخافقي وان نمت بجفاني
مابي غيري يلمحك حتى لا غنيتك غرت من صوت الصدى لا ردد ألحاني
من كثر ما شتقت لطيوفك تمنيتك رمش عيني او تصير الشوف لعياني
وان تمادى هالحنين بجفني ضميتك وقتها القاك لاكن ليه مالقاني
والله انك من لفيت بنبضي حييتك وكني بقولت هلا بينت حرماني
هذا حالي يالغلا من يوم خليتك وانت طمني علي في البعد وش جاني
أذكر اني بالوفا صغتك وسميتك وأذكر انت بالوفى كنت اتحداني
صرت أشكك في كلامك لين بكيتك وقلت موعدنا يجي كان الله أحياني
ويوم جيت بخافقي وبخافقك جيتك كنت انا رابح معني خاسر رهاني
والأكيد اني لقلبي بيدي وديتك وعاد شوف الحب اليوم وداني
يا عساني صدق ولعتك وهميتك ويا عساك بجد تعشقني وتهواني
ولو تقول ان بغيابي عنك عنيتك انت همك صرت أعده حسبت أخواني