ودي امووت اليوم واعيش انا باكــــــر

لا تخبرهم اي حزن ابكاك /وان سالوك

قل الله عليم بذات....




خبروها ترى ألوقت مآعلمني ألشِعر وألوَزنْ عَلمنِي أن ألعبْد يشْكي لِربه ومهمآ تجمّع في عُيونَه مِنْ ألحِزْنْ يضْحك علشآن ألعآلَمْ ألليِ تحبَه
عَلمنِي أن ألعبْد يشْكي لِربَه



ليــــش اعيش ايام عمـــــــري في قهــــر





ودي امووت اليوم واعيش انا باكــــــر..


ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!


ومِنْهو حَمَلْني لِين .. ذِيكْ .. " المقابر "
وأشْكرْ أنا .. كِل مِنْ كَرَمْني ودِفنِّي


وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي


شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي


وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني


ومِنْهو مِنْ أهلي فـ العَزا كان حاضر
ومِنْهو دعى لي في " صلاته " ورحمني


ومِنْهو بنى [ بإسمي ] سبيل ومنابر
ومِنْهو يفز قلبـه .. إلا مِنْ لمحني


ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟


ومِنْهو يرتِّب .. غرفتي .. / والدفاتر
وإن شاف ( صورهـ ) لي ماتْ وحضنِّي


يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي


خايف يروح العُمْر .. وأكُونْ خاسر
وإن طار طيري .. ما يفيد / التمنِّي


وخايف يجيني وقت : أكْسِر خواطر
إن دارت الدنيا .. وزماني **رني


ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني


[ صحيح مُسلم .. لكن : الهَم كافر
كل ما ***ت أضحك يهددني حزني ]


الضيق وافـي .. والحزن حيل وافر
والجرح أكثر شي .. شفتـه يحبني


عايش وميِّت بين .. ماضي وحاضر
والصبر [ مفتاح الفرج ] ضاع منِّي


قل وش تبي وتتركني يا حزني آمر
مسكين فرحي / تصدِّق إنَّ وحشني !!


( شاعر ) ولكنِّي .. ماني بـ شاعر
ودِّي أموت اليوم .... وأرتاح منِّي !!