إن مات شوقك فشوقي واصل حده

شحيّت عني بشوفك صار لك مدّه
واليوم صوتك بعد شحيّت به عنّي
قبل أمس لك صدّةٍ واليوم لك صدّه
زودٍ على مابي من طعون تطعنّي
إن مات شوقك فشوقي واصلٍ حدّه
وإن كنت رايق فعقبك ماضحك سنّي
أرخي لك الحبل وأنت تعوّد تشدّه
صار الجفا فنّك وصار الوفا فنّي
هذي سواياك باللي خصّك بودّه
تعيشّه في عذابك وأنت متهنّي
هذا جزا اللي هواك وجاك من جدّه
عاش يتمنى وقضى العمر متمنّي
الله حسيبك بقلبٍ صار مسودّه
والله حسيبك بحالٍ صار متدنّي
صبري قضى والليالي السود ممتدّه
العمر توّه وأشوف الهمّ زابنّي
عزّي لمن مثلي الدنيا صفت ضدّه
ربه كتب له يعيش العمر متعنّي
ياصاحبي صاحبك كفّه على خدّه
يغفي له شوّي ثم يفز ويونّي
يضرب بيدّه من الضيقه على يدّه
ومن الحزن يعتلي المشراف ويغنّي
ياصاحبي والدروب اليوم منسدّه
وش عاد باقي بعد ماخاب بك ظنّي
قال المثل شي منّه تستحي بدّه
بقول لك شي في صدري وغابنّي
قلبي وداعه معك واليوم قد ردّه
هاته بما فيه وخذ وداعتك منّي
مانيب ابي منك لاحاجه ولا مدّه
ابي اتصالٍ على حالك يطمنّي
من عيد لاعيد دقّ وفضلك اعدّه
يمكن لادقيت رقمي ماتعينّي


منقوول

سلمت يمينك اختي
على ما نثرتي من رقي و إبداع
أتمنى لك ـدوام التألق و التميز
تقديري يسبقه إحترامي

مختارات قمة الاحساس والذوق
سلمتي وسلم الجلب الراقي
لا حرمنا عطاءك وتميز بصمتك
لروحك اجمل الامنيات
دمتي بسعادة

اقتباس:

المشاركة الأصلية كتبت بواسطة العاصوف

سلمت يمينك اختي
على ما نثرتي من رقي و إبداع
أتمنى لك ـدوام التألق و التميز
تقديري يسبقه إحترامي

اشكر لك اخي العاصوف
ترف المرور ورقي التواجد
اسعد الله قلبك:dxct:

اقتباس:

المشاركة الأصلية كتبت بواسطة مستريح البال

مختارات قمة الاحساس والذوق
سلمتي وسلم الجلب الراقي
لا حرمنا عطاءك وتميز بصمتك
لروحك اجمل الامنيات
دمتي بسعادة

الانيق مستريح البال
شكرا لك اخي الراقي
لعذب مرورك
ورقي كلماتك وتواجدك
كل التقدير :dxct:

دمتي بتالق دائم
اسعدتني القراءه
والمرور من هنا

صح الله السان شاعرها وناقلها
اهنيك على اختيارك الراقي
سلمتي ياذوق على اختيارك الذوق
يعطيك العافيه
ننتظركل ماهو جديد فلاتبخلي
دمتي بسعاده لاتفارقك