كل ماكفن دموعي طرالي ماطرى ~

والله إني كل يوم أتعنى للطبيب
أحسب إني كل مونس إليا جيته برى

قلت يادكتور جرحي عطيـبٍ مايطيب
قال وينه قلت فج الضماير وانفرى

قال غيره قلت دمعي على خدي صبيب
كل ماكفن دموعي طرالي ماطرى

قال وش تونس بعد قلت بعده للحبيب
قال وينه قلت عندي وكنه في كرى

قال قلبك قلت قلبي خذا عين الربيب
وعذابي كل ماقلتله صد وزرى

قال ماله حق ياخذك من جنس الغريب
اطلبوه الحق والحق يدا لفقرى

قلت يادكتور حقي على مثلي مصيب
هو يحب اللي يحبه وغيره مادرى

قال ودك قلت ودي يجي عندي قريب
عقب هاك البعد ودي يصيرون قصرى

العشير اللي خذاني وأنا مالي طليب
ليت سلم الحب بيني وبينه ماجرى



منقوووول

تسلم الايادي ي ذوق ..
ماننحرم منك ومن عطائك ..
مودتي لك ..

كلمات رائعه
سلمتْ أناملكِ على الجلب المميز
اعذب التحايا لك

صح الله السان شاعرها
وسلمت انامل ناقلها
انتقاء اكثر من رائع
يعطيك العافيه

صح الله السان شاعرها وناقلها
سلمتي على اختيارك الراقي
يعطيك العافيه
دمتي بسعاده لاتفارقك

دائماً لأطروحاتك فلك خاص
يضم المبدعين بين جنباته
ويضم السحر بين اكفه
فهنا اجتمع فن الانتقاء وفن روعة العقليه
سلمت يمينك
ولك احترامي وتقديري