# لاتحَسبين أنك لفتتي إنتباهي , لوَ شنطتك شانيل وَالخاتم ألماس

# لاتحَسبين أنك لفتتي إنتباهي , لوَ شنطتك شانيل وَالخاتم ألماس

#

-

لاتحَسبين أنك لفتتي إنتباهي

لوَ شنطتكشانيلوَالخاتم ألماس

مايكبر بعيني وَلا طال جاهي

غير الّلتيّ تلبس عباتـ(ن) عَلى الراس

بنت الستر ماهمها في الملاهي

ماهيب في البراجوَن جمّاعة الناس

وَبنت الفهَاوه تعشق إنسان فاهي

فاهي وَهي تفهى طبيعي وَلاباس

وَبلاك بيري عندها الخلق راهي

ولو أسمها عبله تقول إسمي ريماس

من شان تجذب شخص غافل وساهي

في عينها صقر وهو فرخ بسباس

وتقوله تيب فديتك وآهِ

وزعنان يا تفشان وخلاس

وَتجمّع الخرفان لجل التباهي

ولابد يوم الراس تاقع به الفاس

ولاتعرف من الطبخ غير الشواهي

جالكسي وفصفص ولاعندها إحساس

ماحركتني شي هذي ولاهي

ولاهي محركه رجلـ(ن) له المجد نوماس

لكّن بنت العز وصف متناهي

مامثلها بنتـ(ن) ولاحولها قياس

وجهـ(ن) من الطاعه صبوحـ(ن) وباهي

طهرن ولاتقرب من الناس الأنجاس

هذيك تلّتني بعزي وجاهي

يازين ممشاها بعباتن على الراس . . .

بقلم الشَاعر : /
أسآمة الخَثلان
"
رآقت لي