البــــــــــــــــــــــــــــــــــــــداوه .....

أنا بدوي واحـب طـاري البـداوه ... يامعذربين البدو مافيكـم إحسـاس

قالو بدو قلـت الصفـى والنقــــاواه ... يازين شوفتهم على الضوء جــلاس

قالو بدو قلـت الكـرم والنــــــخـاوه ... وأفعالــــهم فى ذمتى ترفـع الـراس

قالـو بـدو والبـر فيـه الشــــــقـاوه ... قلت الوناسه عندهم فوق الاطعاس

قالو بدو ونشـــوف فيهـم قسـاوه ... قلت الخشونه يامعذرب لهم سـاس

ابن البداوه صلف مــــا بـه رخـاوه ... اليا زهمته جاك ماهـوب يـــحتــــاس

بينــه وبيــن الاش حـرب وعـداوه ... وحلفه مع أهل الطيب والاش ينداس

شف لك من البدوان واحد وخـاوه ... حتى تفرق بيـن مــطلـــق وعـــبـاس

وان كان ما صــدقـت عالـج وداوه ... قلبـك مريض وفــــيه حقـد وســواس

فى مجلس البـدوان تلقـا حفـاوه ... وترحيبــهم لضيــــوفهم مالـه اقيـــاس

ويقدمون الطيب من عـود جــاوه ... في ســـلمهم طيب ومــعـزه ونومـاس

هذي فقط نبذه عن أهـل البـداوه ... حبيت اوصــــلها لاجل تاصــــل النـاس