ماتقبلت الفراق ومال يدي فيه حيله

ما تقبلت الفراق ومال يدي فيه حيله
آه لو أن الظروف المقبله تكشف قدرها
لو يعرف الشخص منا وش مع الغيب بيجيله
كان جنبنا المشاكل من قبل يوقع ضررها
ما هقيت الليله اللي جابت الفرقا طويله
لين صارت ليلة أمس بعيني أطول من شهرها
والعذاب اللي يذوب بعين من يفقد خليله
عندي أكبر من عذاب العين لو تفقد نظرها
والحبيب اللي صدوده مثل مداته جزيله
صد عني وأعرفه لين صد عن حاجه هجرها
كأن روحي يوم حست في جفاه وصعب نيله
بشرتني بالضياع و شدت العزم لسفرها
ما رحمها من هلاك وما تقبلها دخيله
تحتضر قدام عينه لين ماتت من قهرها
عاد ليت اللي ذبحها وأرهب الموت بوسيله
ما دفن وجه الضحيه والسكاكين بنحرها
ليت قلبه يوم طاوع فعلته كمل جميله
لو غسلها من عروقه وبكفن صدره قبرها
من حفر بضلوع قلبه حفرة تكفي قتيله
ليه ما يدفن قتيله بالضلوع اللي حفرها

من حفر بضلوع قلبه حفرة تكفي قتيله
ليه ما يدفن قتيله بالضلوع اللي حفرها

صح لسان شاعرها وسلمت يمين ناقلها

يعطيك العافيه الاصيله

انتقاء رائع كروعتك

يعطيكي العافية كلام جميل جدا كجمال ناشره سلمت يداكي.

كلماتك في غايت الروعه

صدق حامد زيد وصح لسانك

بنتظااار كل جديدك

ودي حبيبتي

سلمت يداكي
على جميل طرحك وحسن ذائقتك
يعطيك ربي ألف عافية
بإنتظار جديدك بكل شوق.
لك مني جزيل الشكر والتقدير