وأظل هنااك , أقراني مواجع وأرتبك وانساك !!

ودّي أكتب ..
عن فراغ الأمنيات اللي تبعثر ..
في الظلام !..
عن حمامٍ طار من صدري ..
وسافر للغمام !!..





ودّي أكتب ..
عن ظروفٍ .. مادرت عنها الظروف !..
عن همومٍ .. داخلة في وسط خوف !..
عن ضياع العمر في غربة بلد ..
ماهو بلد !..
عن شقا كلّ السنين .. اللي مَلَتْني بالسنين !..
ودّي أكتب .. ودّي ( اسأل )

هـ التعب وشلون يركض في حنايا الروح ..
ما يتعب أبَد ؟!..
هـ التعب وشلون يلقى لي أمل ؟!..




نجمة راحت للبعيد ..
خافتة .. والليل مشتاق لشعاعك ,,
والقمر سافر وحيد !..
راح .. باعك !..
صار ظلّي يشتكي لي ..
والبقايا .. والظنون !..
آآاه ياكلّي .. الحزين ..
مابقى للفرح طاري ..
مابقى شيٍّ حنون ..




لمّا أتذكّر زمان ..
طفل .. يضحك :
للطّريق للفَرَاش .. وللقمر ..
كنت داري ..
بـ هـ المسافة .. تنتظر ..
ماتوقّعت الطّريق ..
بس داري !..



يازمن ..
مرّ وتعثّر بي .. وطاح !..
مين يمحي هـ الجراح ؟!..
والصباح اعمى ..
وظلّي مرتبك !..
والهمّ لاح ..!!





يُمّه ..
انتي تسمعين ؟!..
صرتي تعبانة .. وذبلانة .. وانا كنّي سجين ..
أدري انّك تسمعين ..
وادري انّك في الليالي السود وحدك .. تركعين ..
وتسجدين ..
يُمّه ..
أتذكّر كلامك .. يوم قلتي لي كفاية ..
تكفى يمّه .. لا تروح !..
كلّ يوم ابكي عليك ..
كل يوم ادخل لـ غرفتك البعيدة .. والقى سَبحتك وكتبْك ..
ذكرياتك ..
أقعد أتألّم وحيدة ..
وانت تتعمّد تروح !..
كلّ يوم يجون اخوانك .. وينتظرون صوتك ..
تملا هـ الدنيا فراغ .. وقلّ حيلة ..
كل ليلة !..



يُمّه والله ..
مو بيدي الغياب ..
مابقى لي أيّ باب .. غير دعوتك الحزينة ..
غير دمعتك السجينة ..
غير اشيل هموم خلق الله معاي !..
غير إنّي ..
كل يوم اطلع .. واروح البحر ..
وابكي ..!!
كل يوم اطلع .. واروح البحر ..
واشكي ..!!
كل يوم القى كلام ..
القى غصّة .. في الشوارع .. تحتريني ..
ماعرفت القى طريق ..
يدلّني .. وين الطريق ؟!..



كل مرّه ,,
يثقب الباب الأنين وذكرياتي ,
يرسل الفجر استيائه وامتعاضه من وجودي !..
القى حظّي ملّ وأرهقني شحوبه .. وامنياتي ,
ارسم احلامي مدينة , للأسف ترفض حدودي !..
قلت اجمّعني فـ قلبي و ادفن سكاتي بسكاتي ,
اترك الدنيا وراي .. شيّ يحفظ لي صمودي !..


,