ديوااان الشاعر ســــــلطان زمـــانه

الله .. الله بالخيانه لا اوصيك

خلااااص!! يكفْي!! لااا تقولين: وشفيك؟
يكفْيني../ اللي صاااار /.. منّك و جاني

لااا لااا تنااااديني..! / ولااااني / .. ملبّيك
خلّك! ../ تذوق /.. اللي بقربْك.. كواني

هالحين / بَ أبيعك / عقب كنت شاااريك
وبنساك../ يالحب /.. الكئيب /..الاناني

روحي../ بكيفك و اعملي /.. ما يسلّيك
قووولي: حبيبي../ ياجماعه / نساني

ثمْ.. ( الله الله / بالخيانه ).. ما اوصيك
حبّي وخوني../ واعشقي شخص ثاني

قووولي له: " احبك و انا /.. ميّته فيك "
وانّك../ ملكت القلب / ساكن / كياني

وان../ شتت اعذارك /.. وقرر / يخليك!
غيره كثيير !! / ولااااا.. تضيع الثواني

قلبك هذا ../ مدري على وين/ ؟ ينهيك!
لكن ../ مصيرك /.. واقفه في مكاااني

بتقول لي: راجع !! وانا اقول: ( ما ابيك )
قلبي.. على / درب المحبّه /.. نهاااني

ومانيب../ اصدّق /.. " دمعتين ٍ تبكّيك "
يوم ../ القسى / من عزّ /حبك خذاني

فاتورتك../ طاااحت / هنا / بين أيااديك
فيها./ الجفااا / مكتوب../ حدّ ائتمااني

بالمختصر..! / مانيب راجع /.. لماااضيك
هو../ بيت واحد /.. لا سهيت يْحدااني

" انتي مريضه.. ياعسى الله يشاافيك
مختل عقلك../ فيك.. ربي / بلااااني "

خلاااص../ يعني لااا تقولين وشفيك؟!
يكفْيني../ اللي صاار../ غربل كياااني

يهــل دمـعي بعـد فرقـاك هلــــي 000 كل ماذكرتك دمع عينــي سكـــــــبته
في وسط قلبي مال غيرك محلـي 000 انت الـوحيد اللي حسـابـك حسـبته
تليت قلبي بين الاضــلاع تلـــــي 000 وشوفتني ويــل العذاب وشــــربته
سليت سيف الغدر والظلم سلـــي 000 خسرت قربك وانت بعدي كســـبته
من بعدكــم لو فـيه شــي يسلــــي 000 ماكان جيتـك بالــقصيد وكتــــــبته
بالله يــاســيد المــزاييـن قلـــــــي 000 وشلون تبعـد وانت قربي طلــــبته
ياكيـــف غيري في مكاني يحلـــي 000 وانا اللذي لك كـل عمري وهــبته
من يطوي الاحداث يــرجع يفلــي 000 يسمع صداك وهمس حبٍ نهــبته
كل ماذكرتك فرتحالي وحـــــلـــي 000 يعيش غصن الجرح مامات نــبته
يسعون في تـــشويه دربي ودلــي 000الظلم واقع دون ذنــب ارتكــــبته
حسبــي علــيهم ياعشيقي وخلـي 000 الله يجازيهم وقلبــــي سلـــــبته
لــو فرقونــا والمعادي فــطـــنـــلي 000 يكفيني اسمـك وسـط قلبي نسـبته
تبقى حبيبي وشمس عمري وظلــي 000 يااغلى مثالٍ في حياتي ضـــربته

..انا مابيك تسمعني وتجبر خاطري المكسور $$

أنا ما ابيك تسمعني وتجبر خاطري المكســور
ولــكن كنــت أبـي تبــقى معاي بكل حــالاتــي

تبي تــرحل عن أيامي ويجي غيري يعيش الدور
الا يا صاحبي صعبـة تعـــيش بـــغيــر لحظاتــي

من اللي يشبه دموعي وقلبه في سنيـنك نـور
ومن مثلـي أنـا قـــلي نـقــش بالـصبـر آهــاتي

حبيبي من العبث احلم وابني للغرام قصــور
وتجي في واقعـك لحظةوتهـــدم كل غاياتي

حبيبي ماقدرت أنسى وأنا ليفي حياتك دور
أنا من علمك تعشق وعشت الحب في ذاتي

تحريتك وعمري راحو كل اللي بقالي شعـور
أحاسيسـي وتتعبــني تسولــف عن حكاياتي

بقالك حب في صدري ولو كان الوفى مهجور
فضحني حزني البائــس وماغيـّر قناعاتي

مسافة بيني وبينك عواذل وألف باب وسور
وشباك من الماضي ازوره في متاهاتي

أنا مـا أعاند ظروفي وأقول الغايب المعذور
ولكن طاري الفرقى يزود في معاناتي

تفرقنا وتباعدنا وغدى فينا الزمان يجــور
حكايا ما لها آخـر وحلمي كل غلطاتي

سألت الكذب عن عذرك وأكيد انه شهد لك زور
عذرتك كان تجرحني بشكوى تشبه سكاتي

أنا ما أبيك تسمعني وتجبـر خاطري المكسـور
ولكن كنت أبي أبقـــى معـــاك بكل حالاتـي

مرات احس اني من الهم مخلوق !

____________ ومرات احس الهم مخلوق مني !



ومرات احس اني بلا شي مخنوق !
____________ ومرات احس جروح قلبي تغني !



ومرات احس الآه تطلبني حقوق !
____________ ومرات اسيء الظن ويخيب ظني !



ومرات اقول الهم له فيني عروق !
____________ ومرات اقول انه طريقي وفني !



ومرات احس اني له اشتاق واتوق !
____________ ومرات احس بـ غيبته يمتحني !



ومرات احس بطلته رقه وذوق !
____________ ومرات احس انه ثقيل وغبني !



عندي يقين اني من الهم مخنوق!
____________ واجزم بأن الهم مخنوق مني !

البــارحــه يــاروح روحي خنجــر عتابــك حديــد
تــومي بهــا واليا اسهبت بين الضلــوع اركيتها



حُكـــم الغـــلا خــلاك تطعني وانـا اللي مستفـيــد
فــديتــك انت وكــل طعنـــه مــن يــدك فــديتـهـــا


محبتـــك تجــري بــدمي مـــن وريــد اليــا وريــد
بيــن الضلــوع العــوج بخشتهـا وقلــبي بيتهــــا


ليــنـت لك قلبــن لغــيـرك مــا يلــينــه الحـــديــــد
ولــديت لك عيــــن(ن) لغيـــرك مــا بعـــد لديتهـا



وغــنيــت فيــك النادرات الشاردات من القصيــد
اللي تثيـــر الصمـــت في الجمهــور لاغنيتـهـــا



ونشـــرتهــا بــاشهر مجـلـه للقــريب وللــبعيــــد
على غلاف المختــلف كـلـن قـــرا مـــنشـيـتهـــا


عقدن يلـيــق بـجيـــدك اللي فــارقن عن كل جيد
والشـــفه اللي هرجهـــا معـسول يخرب بيتهــــا


لاقلت اريــد وقالت امــر قلت مدري ويش اريــد
قــالت علامـــك قلــت انــا بغيتهـــا واخطيتهـــــا


مـــــره مــن المـــرات في ليل ٍ نسـانيسـه جليــد
هـــزتني الـــذكرى وســـرتني ونـــا ســريتهـــــا


مـدري بطل مدري خبل مدري ذكي مدري بليــــد
ميـــر المهم ان العنــــود اليـــا دعتنيي جيتهــــا


وان شفتها عقب التعـب والليــل والبرد الشديــد
واقـــــول ياليــــت الليــــالي كــلهـــا يـــالليتهـــا


مــــرة شقــاهـــا للشقي ولذة سعدهــا للسعيــــد
والــذ منهــــا الجمــره اللي في يدي ضميتهــــــا

اهــــــداء لي حبي

جاني يقول لاتنسي من اكون ... انا حلم كل بنت بهالكون

يابنت انا ولد فـــــــلان... ولي جاه بين الناس ومكــــان

انت من تدخلي أي مجلس اومكان... قولي بس فلان " فــــلان"

والا اقولك من غير ماتقولي فلان... بتسمعي اسمي نغم على كل لسان

وبتقولي يابخت هالانسان... والله سيد هالزمان

وبتكوني بس معي سيدة هالزمان... وتشوفي الدلال كيف والعز والسلطان

تصدقي انا كل صيف اقضيه بـ"كان"... شفتيها او شكلك مارحتيها من زمان

بس لايهمك راح اخذك معي و لكل مكان... وتشوفي كيف عايشه الناس بجنان
و...
"قطعت عليه حكيه واحلام مالها بقلبي مكان"

قلت هونك هونك علي يافلان... باين عليك غلطت بالعنوان
همومي ماهي صيف ب"كان"

ولا مال ولا حتى اكون بنت سلطان

همومي اكبر من حكيك والزمان... همومي اكبر منك ومن هالزمان


لكن عندي لك سؤال ياولد فـــــــلان؟؟

ولا تظن سؤالي "كم رصيدك بالمليون

او عفوا بالبليون ؟؟

اوكم عندك من سياره وكم لون ؟؟

او ياترى هالمره بتصيف بأي مكان بهالكون ؟؟


سؤالي بما انك سيد هالزمان
هو ياترى العز اللي انت فيه والسلطان
يشري الفرح... يمحي الحزن

يعلمك النسيان
ينسيك الحرمان

او يجردك من مشاعر كانسان... وينسيك كل ماكان
بيخلي الفرح لك عنوان
يحسسك بالامان
يمحي من حياتك هموم واحزان
ويطفي جوا قلبك نار و بركان

ابسألك

هو بيرجع اللي مات واندفن
ويقصر ليل الحزن
هو مايخليك تفارق اهل واحباب وخلان
هو يوقف ساعات العمر والزمن

يخليك ترحل بلى ذكرى ووجه حزين
وماياخذك لدرب الوله والشوق والحنين
اوياترى يرجع ايام عمرك والسنين
وتلقى احبابك بشوق لك منتظرين

ابسألك هو حقيقي انت لو رحت كل ديره وكل مكان
ولو درت الكون مليون
بتنسى همك والاحزان
او تزيد احزان فوق احزان
او تجردك من مشاعر كانسان؟؟

جوابني ليه تطالعني هاللون
تبي اسكت ماكمل ولا يهمك ولا تهون

لكن اسمح لي اقول تبقى غلطان

وصدقني غلطت بالعنوان

همومي ماهي صيف ب"كان" ولا مال ولا اكون بنت سلطان
همومي اكبر منـــــــك ومن هالزمـــــــــان

انا كان حلمي قلب شاعر وفنان يملى حياتي حب وحنان
يجيني دوم بشوق ولهان يعوضني عن ايام الشقى والحرمان
وينسيني همومي والاحزان يحسسني معه بالامان
ويكون لي جنه وروضه وبستان فيها احلى الالوان
ورود صدق وفاء واخلاص وعرفان
بس خساره الزمن ماله امان
قتل حلمي و لقيت الكل خوان
حلمي ماهو بهالزمان
مـــــات الشاعر ومـــات الفنان
وصار الزمن
انا فـــلان وانا ولد فـــلان

عزاي ياحلم ياحب ياحنان

لكن قبل مارحل بقولك ليه سألتك هالسؤال
يمكن ياخذك الفضول
راح اريحك واقول


لان ياسيدي اللي تفتخر فيه مايعني لي ولا عنوان
و انا لي قلب انجرح من كل انسان
وانا الحزن صار لي عنوان
وانا الفرح ماله بقلبي مكان
مقبره فيها ملاااااايين
انا عنوان لكل انسان حزين
انا قلب نصبت فيه خيام للبائسين
ياسيدي انا روايه مو في عالمك ولا عالم كان يامكان
انا روايه بعالم القهر والحرمان
عالم الخـــــــــوان
عالم الخــــــذلان
عالم النســـــــــــــيان





وقلت الوداع حان
و الدرب قدامي طويل
والتفت التفــــــــــت


وبعد مامشيت خطوتين


ناداني قال لحظة قبل ماتسرين


عندي سؤال لازم اسألك الحين
قبل ماتمسكي الدرب وتبعدين
ومدري القاك او مالقاك بعد سنين
قلت اسأل انا واقفه يمك الحين
قال انتِ بنت مين؟؟؟!!!
؟؟؟؟؟
؟؟؟
؟؟
؟

طالعت السماء فوق والليله كانت قمرا
وغصب عني سالت مني الدمعة
هي دمعة قهر
او دمعة حزن
او دمعة فخر؟؟
نعم فخر
قلت له بعالي الصوت
واقولها بكل صوت وبكل فخر
انا مو بنت امير ولا تاجر ولا وزير
انا بنت فقير
ابوي رجل فقير
عاش فقير
ومات فقير
وافتخر انه ابوي الفقير
اهو مثل البحربس مو بجاهه وكبر منصبه بقوته بعزته بقلبه الكبير
اهو مثل النهر جارف مو بماله وفلوسه بحنانه وحبه اللي دوم بدمي يجري

اهو مثل الشجر مات وهو واقف رجله ماوطت درب الخيانه ولا العار
اهو مثل القمر مو بغروره وبمكانه اللي فوق كل البشر
بنوره اللي ينور ليل القهر
انت تشوفه مره في الشهر
بس انا اشوفه كل يوم وكل شهر وكل الدهر
بعيوني عايش بقلبي عايش بروحي عايش
مايموت لو يموت كل البشر وكل الشجر
ويجف النهر والبحر
اقولها بكل فخر
بنت فقير
وانا بعده صرت عابرة سبيل

ما ..أأإإبييييك .. !!

/
\
/



خلاص أنـا قـررت ببعـد وأخليـــــك

ما دام فـي حبـــك خضــوع ومــــذلــــه

أبتركك لو صوت الأشـواق يدعيــك

وأمحي الغلا من داخـل القلـب كلــــه

وأطوي زمن حبك وصفحات ماضيـك

دام الغــلا يا صاح مـانـت بــــأهـلٍ لــــه

دور على غيـري حبيـبٍ يهاويــــــــك

يقبـــــل خطـاك ويتحمــــل كـل زلـــــه

عنّيت قلبي يـا عسـى الله يعنيــــــك

وكرّهتنـــــي بالحـب دقـــــه وجـلــــــه

عسى همــوم الوقـت دايـم تباديـــــك

ودرب الأمل طـــول العمــر مـا تدلــه

وعسى الحزن يا قاسي القلب يرويـك

ودمعك بعـد فرقـاي تبطــــي تهلـــــــه

كنت أمس غالي لكن اليوم ما أبيـــــك

ما أبيـك لـو بَعـدك حيـــــاتـي ممـــلــــــــه

وخذها نصيحه مني في حياتك بوصيك

إلا حبيـبــــــك لا تـفـكّـــــر تـــــذلـــــــــه

\
\
الوقت وقتي ... و الزمن مـا صفالـي
و العمر رحله .. و أتعبته المشاويـر



كلي حلالك .. و انـت ... كلـك حلالـي
لكن وربي .. حظنـا ماهـو بـ خيـر



حاولت .. لكن مـا .. جرالـك جرالـي
مات السنع في .. وجه قـل التدابيـر



فـ لا تزعل اليا قلت مالـك ومالـي !..
دام الأماني غير / و أحلامنـا غيـر



و دامـ الحزن بـ الحب فالـك وفالـي
خلنا " نتفارق " .. والبقـى لـ ( المقاديـر )



أدري فراقك ... صعب ويهـد حالـي
و أدري فراقي صار من قبل لايصير



ما كنت أبي فرقاك ... بـس الليالـي
تسيّر أحلامي .. على × عكس × ما أسير



تدري خفوقك بـ الفراق وش هدانـي ؟
أهدى يديني .. ( وردتينٍ مـع طيـر ) !



ورحت بـ فراقـك والهدايـا .. قبالـي
ومات بـ يديني .. ( وردتين و عصافير )



يمكن يخون الود لا مـن طرالـي
لكن وربي .. ما أخونك ... مـع الغيـر



ابطلبـك حاجـه .. وأمانـه .. اذا لـي،،
معزهـ / و خاطـر / و حشمـه / و تقديـر !



تكفى بـ غلاة أمك .. اذا كنـت غالـي
لا جيت في بالك ( تذكّرني بخيـر ) ...!!!

لعنبو رجل ٍ يشـوف المرجلـهْ فضـرب الحريـم !!
من متـى كانـت رجولتكـم علـى ظهـر النسـا ؟!




(ضلع ٍ أعوج ) بس مـو دايـم بكسْـره يستقيـم !!
قوّمُـوه فْعُمْـر لينـه .. يستقـيـم الـيـا قـسـى





يا رجال اليـوم ( رفقـاً بالقواريـر ) .. و قديـم ..
قالوا: (أخيَرْكم .. رحيم الصبـح // مِكـرام المسـا )




ما يبات الليل كاسرهـن .. و الـى جَـنْ البهيـم ..
مركـب يدينـه علـى مرسـى مدامعـهـن رســى





بيـض الله وجـه جابـرهـن بعيـشـات النعـيـم
و سـود الله وجـه جابرهـن علـى عيشـة أسـى




ذاكر حقوقـه ليـا قيـل ( اربـع ) بشـرع الحكيـم
و إن وصل لين ( اعدلوا ) طنش ابو الشرع و نسى !!



كِن ( سي السيد ) خلقْـه الله علـى أهلـه زعيـم ..
طاغي معربدْ .. قسم باللـي بْيحاسِبْـه .. ايخسـا !!





لا الرجولـه بالعنـاد و لا هـي بقـهـر الحـريـم
ليمتـى و العنـف صايـر ظاهـره ضـد النسـا ؟!

حب يشيب صاحبه ما بعد شاب
وحب يشيب وصاحبه في شبابه
وحب يغيب وصاحبه ما بعد غاب
وحب يدوم وصاحبه في غيابه
وحب يذوب خافق ما بعد ذاب
وحب يداوي صاحبه من عذابه
وحب يتوب خافق ما بعد تاب
وحب يزيدك رغبه في الكتابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلا أسباب
يبدا غريب وينتهي في غرابه
وحب ضعيف مثل حبر على كتاب
تمحيه دمعه في ثواني كـآبه
وحب قوي مثل قصر له ابواب
لو هب عاتي الريح ما أهتز بابه
وحب بداية رحلته نظرة إعجاب
وآخر مطافه مثل يوم بدا به
وحب يعيش بداخل قلوب الأحباب
وحب يشيع وكل حي درى به
وحب مقامه في ضلوع الصدر طاب
وحب يعدي مثل مر السحابه
وحب على قبره نعق بوم وغراب
وحب تغنى به لحون الربابه
وحب بمقدار وحب بلا حساب
وحب بمعروف وحب نهابه
وحب يعيش اهله وسط داره اغراب
ويموت قهر ويندفن في ترابه
وحب غدا سره سوالف للأجنـاب
وحب يموت وصاحبه ما حكى به