خواطر حول مقال نظرة مستقبلية

تعمير المريخ بحلول عام 2025
.
.
أنا انسانه ما أؤمن ان البشر وصلو القمر هالدور المريخ
الله سبحانه وتعالى في كتابه الحكيم قال
يَا مَعْشَرَ الْجِنِّ وَالْإِنسِ إِنِ اسْتَطَعْتُمْ أَن تَنفُذُوا مِنْ أَقْطَارِ السَّمَاوَاتِ وَالْأَرْضِ فَانفُذُوا لَا تَنفُذُونَ إِلَّا بِسُلْطَانٍ
.
يوم فسروا كلمه بسلطان يعني بها العلم
أنا أسألكم بالله
منو أعلم احنا البشر وله الملك جبريل عليه السلام
اذا مع كل علم جبريل عليه السلام برحلة الاسراء والمعراج
كان يستأذن من رب العالمين هل يقدر يعدي السماء وله لا ؟
علمه ما خلاه يعدي أمر الله سبحانه بس اللي خلاه يعدي
.
وأساساً شركة ناسا صرحت والتصريح موجود باليوتيوب ان السماء فيها حاجز
محد يقدر يعديه لأن احنا عايشين تحت قبة
وبعدها طلع تصريح ثاني ان اهمه طيرو مادري جم صاروخ
خدددش هذا الحاجز وطبعاً أنا ما صدقت
لأن الله سبحانه وتعالى قال
وَجَعَلْنَا السَّمَاءَ سَقْفًا مَّحْفُوظًا وَهُمْ عَنْ آيَاتِهَا مُعْرِضُونَ
وذكر بان الله حفظ القران وفعلا انحفظ من التحريف
تبون اذا قال ان حفظ السماء بيكسر بوعده لا سبحانه ان قال شي
مافي شي راح يصير عكسه الا بامره
لا ومو بس هذا التصريح من ناسا في تصريح ثاني يقول ان قبل الحاجز هذا
في طبقه تحته نوع من الأشعه اذا وصل لها البشر يحترق جلدهم مثل التيزاب
والأشعه من الطبقه اللي تحت هذي الاشعه نوع ثاني يسبب سرطان الجلد
حتى لو كانوا داخل المكوك الفضائي
وهذا الدليل كان ضد روسيا يوم دزوا القمر رائدة فضاء
واحترقت ويوم رجعت ميته طبطبوا على الموضوع وما اشرحوا شنو السبب لين بعد سنين
تم تسريب صوتها واهيه تكلمهم بالمحول واتقول لهم
اشعر بالسخونه اشعر بلهب لا استطيع التنفس وهم موجود باليوتيوب
ومافي دولة قدرت توصل القمر



حتى امريكا يوم نزلت فيديو وصولها القمر
كانت فيه فبركة وااااضحة وضوح الشمس انت تصور جمبين من القمر
يكون الكثبان الرملية بالضضضبط نفس الشي شلون ؟
الفرق ان محركين التراب من تحت
وثاني شي شلون السما سوده صافية وين النجوم بالصورة
وشلون هبوط المكوك بسرعه عالية ما سبب فوهه بالقمر
وشلون العلم يرفرف بمكان خااالي من الهواء وشلون الضلال بالصورة عكسية
يعني انتقادات مالها اول ولا تالي وبعض الدول قالو انهم وصلوا القمر وما حطوا أدلة
والامارات فشلت بإرسال رائد الفضاء راشد
يعني هذا الكلام كله مجرد فرضيات وفبركة
وفي فرق بين الفرضية والنظرية الفرضية اهيه مجرد افكار يتم طرحها بدون أدله أو دراسة مثبوتة
أما النظرية هي دراسة منطقية ومثبوتة علميا واليوم في ناس اتقول عن الفرضيات نظريات
وهذا غلط يعني مثل اصل الانسان قرد لانهم اكتشفوا جماجم فيها شبه من البشر الى حد كبير
انا لو تسألوني هذا شنو لأني مسلمة وقارية القران الكريم بقولهم فرضيتي انها ممكن ترجع لأهل السبت
مثل ما قال سبحانه وتعالى وَلَقَدْ عَلِمْتُمُ الَّذِينَ اعْتَدَوْا مِنكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ
يمكن هذي الجماجم ترجع لهم وما خلوا المسلمين يدرسون هذي الجماجم رفضوا ولا صرحوا وين لقوهم
عشان لا يثبتون أن القران صح
.
هذا ردي على الجزئية الأولى هههههه أدري قرقت وايد بس يمكن أحد يقرا كلامي ويستوعب شوي ويحكم عقله
.
أما بالجزئية الثانية
فاحنا بشر وكلما زادت التكنلوجيا وصارت اجهزه بكل مكان بزيادة من حولنا راح تزيد الأشعة الضارة
وتزيد الشحنات الكهربائية بأجسامنا بالتالي راح تزيد الامراض خصوصاً الأمراض
النادرة اللي ما اكتشفوا لها علاج يعني راح تصير ضريبة كبيرة على حياة البشر مقابل
التطور اللي اهمه يبون يوصلون له بس هذا ردي
.
.
شكرا على الطرح الجميل
اللهم أنفعني بما علمتني وعلمني ما ينفعني وزدني علما
دمت بسعادة لا تنتهي

.